માંડવી તાલુકાના ગોધરા ગામના ફરિયાદી ખેડૂતે ભુજના કેરા નજીક દાડમની ખેતી કરવા ૧૯ એકર જમીન લીઝ પર મેળવી હતી. રાજ્ય સરકાર તે સમયે દાડમ જેવા બાગાયતી પાકોનું વાવેતર કરતા ખેડૂતોને હેક્ટરદીઠ ૪૦ હજાર રૂપિયા આર્થિક સહાય આપતી હતી. ખેડૂતને સહાય પેટે ૨.૪૦ લાખ રૂપિયા મંજૂર થયાં હતા. જે પૈકી પ્રથમ હપ્તા પેટે ૧.૮૦ લાખ રૂપિયા ચૂકવાયાં હતા.

વર્ગ બે કક્ષાના આ અધિકારીને ફરિયાદી નાણાં આપવા માંગતો ના હોઈ એસીબીને ફરિયાદ કરી હતી. એસીબીએ બે સરકારી પંચોને સાથે રાખી, ડિજીટલ વોઈસ રેકોર્ડરની મદદથી ટ્રેપ ગોઠવીને કણજારીયાને રંગેહાથ ઝડપી પાડ્યો હતો.  

આજે આ કેસમાં પ્રિન્સીપલ ડિસ્ટ્રીક્ટ જજ ડી.પી. મહિડાએ કણજારીયાને દોષી ઠેરવીને ભ્રષ્ટાચાર નિવારણ અધિનિયમની કલમ ૭ હેઠળ પાંચ વર્ષની સખ્ત કેદ અને પાંચ હજાર રૂપિયા દંડ તથા કલમ ૧૩ (૧) (અ) અને ૧૩ (૨) હેઠળ પાંચ વર્ષની સખ્ત કેદ સાથે પાંચ હજાર રૂપિયા દંડ ફટકાર્યો છે. આ કેસમાં ફરિયાદ પક્ષે એસીબીના વિશેષ સરકારી વકીલ એચ.બી. જાડેજાએ હાજર રહીને પેરવી કરી હતી.