આ અભિયાન અંતર્ગત પૂર્વ કચ્છ પોલીસે ૨૭ બાંગ્લાદેશી અને પશ્ચિમ કચ્છ પોલીસે ૭ બાંગ્લાદેશી મળી ૩૪ બાંગ્લાદેશી નાગરિકોને ગેરકાયદે વસવાટ બદલ ઝડપી પાડ્યાં છે.

બંને જિલ્લામાં લોકલ ક્રાઈમ બ્રાન્ચ, સ્પેશિયલ ઓપરેશન ગૃપ સાથે સંબંધિત પોલીસ મથકની જુદી જુદી ટીમોએ વિવિધ સ્થળોએ તપાસ હાથ ધરી હતી.

પકડાયેલાં બાંગ્લાદેશીઓમાં ૩ બાળકો, ૬ સ્ત્રીઓ અને ૧૮ પુરુષોનો સમાવેશ થાય છે. એ જ રીતે, પશ્ચિમ કચ્છમાં પોલીસે કુલ ૮૩ શકમંદોની પૂછપરછ અને તપાસ કરીને તેમાંથી ૭ બાંગ્લાદેશી નાગરિકને ઝડપી પાડ્યાં છે.

પકડાયેલી મોટાભાગની બાંગ્લાદેશી મહિલાઓ સ્પા કે મસાજ સેન્ટરોમાં કામ કરતી હોવાનું સૂત્રોએ જણાવ્યું છે.

ગેરકાયદે વસવાટ કરતા બાંગ્લાદેશીઓ સામે વિશેષ ઝુંબેશ શરુ કરાય અને ગણતરીના સમયમાં કચ્છમાંથી ૩૪ બાંગ્લાદેશી નાગરિકો ઝડપાય તેમાં બહુ હરખાવા જેવું નથી. પોલીસ દ્વારા નિયમિત રીતે વિવિધ ફેક્ટરીઓ સહિતના સ્થળોએ સઘન ચેકીંગ થતું રહે, બહારથી આવતા મજૂરો અને ભાડૂઆતોની વિગતો વિશે ‘સી રોલ’માં વિગતો નોંધવામાં આવતી રહે તે વધુ અપેક્ષિત છે.