યુવતીઓ પ્રતિકાર કરવા પ્રયાસ કરી રહી હતી.

ભુજ એ ડિવિઝન પોલીસે બેઉ વિરુધ્ધ દારૂબંધીનો ગુનો નોંધેલો. બદનામીની બીકે દીકરીઓ ફરિયાદ નોંધાવવા આગળ ના આવતાં ઋત્વિકસિંહ ચાવડા નામના યુવકે ત્રણે વિરુધ્ધ જાહેરમાં યુવતીઓની છેડતીની ફરિયાદ નોંધાવી હતી.

પોલીસે બેઉની કરમ કુંડળી ચેક કરતાં બહાર આવેલું કે દરિયા રાયમા સામે અગાઉ પણ નારાયણ સરોવર અને દયાપર પોલીસ સ્ટેશનમાં ગંભીર ગુનાઓ નોંધાયેલાં છે. ૨૦૦૯માં તેની સામે નારાયણ સરોવરમાં ઘરફોડ ચોરી, ૨૦૧૨માં અનુસૂચિત જાતિના ફરિયાદીને જાતિ અપમાનિત કરી હથિયારની અણીએ માર મારવાની તેમજ ૨૦૨૨માં દયાપરમાં ધાક ધમકી આપી વ્યક્તિને મરવા મજબૂર કર્યા અંગેની ફરિયાદો નોંધાઈ હતી.

મામલતદાર અને પોલીસે સંયુક્ત રીતે આજે આ દબાણો હટાવીને ૩૫ લાખની કિંમતની સરકારી જમીન દબાણમુક્ત કરી છે. નારાયણ સરોવરના પોલીસ ઈન્સ્પેક્ટર જે. બી. કુણિયાએ જણાવ્યું કે દરિયાએ ગેરકાયદે બનાવેલી દુકાનો, ગેરેજ, ફેક્ટરીનું સંચાલન તેના સગાં સંબંધીઓ કરતા હતા.

સરકારી તંત્રોની આ કામગીરી યોગ્ય અને આવકારદાયક છે. જો કે, કચ્છમાં કોઈ ચોક્કસ વર્ગના આરોપીઓને જ ખાસ ટાર્ગેટ કરીને આવી કડક કામગીરી કરાતી હોવાનો પણ આરોપ થઈ રહ્યો છે. ભુજના વરનોરા ગામે થયેલી ડિમોલીશનની કામગીરી અંગે સૂકાં ભેગું લીલું બળતું હોવાના આરોપ થઈ રહ્યાં છે.

દિશા બદલાશે ત્યારે પવન નહીં ચક્રાવાત ફૂંકાશે તે યાદ રાખવું.