હુંબલે જણાવ્યું કે કચ્છમાં કેડીસીસી બેન્ક, જિલ્લા ખરીદ વેચાણ સંઘ, અંજાર તાલુકા સહકારી ખરીદ વેચાણ સંઘ સહિતની અન્ય ઘણી સહકારી સંસ્થાઓની મુદ્દત પૂર્ણ થઈ ગઈ છે. અમુકની મુદ્દત પૂરી થવાના આરે છે. આ સંસ્થાઓએ મંડળીઓ પાસેથી ઠરાવો પણ મગાવેલા છે અને તે ઠરાવો સંસ્થાઓમાં આવી પણ ગયાં છે. છતાં અગમ્ય કારણોસર ચૂંટણી પ્રક્રિયા શરૂ કરાઈ નથી.

સહકારી સંસ્થાઓની ચૂંટણીઓ ના યોજીને ભાજપ સરકાર સહકારી માળખા પર તરાપ મારી રહી હોવાનો આરોપ કરતાં હુંબલે જણાવ્યું કે રાજ્યમાં સમયસર ચૂંટણીઓ ના યોજાતાં અનેક સહકારી સંસ્થાઓમાં રિઝર્વ બેન્ક ઑફ ઈન્ડિયાના નિયમોનું પણ ઉલ્લંઘન થઈ રહ્યું છે.

તાજેતરમાં આ અંગે પ્રદેશ કોંગ્રેસ પ્રમુખ અમિત ચાવડાના નેતૃત્વમાં ગુજરાતના રજિસ્ટ્રારને મળીને પણ રજૂઆત કરવામાં આવી હતી.