શુક્રવારે સાંજે અન્ય એક ટીમે મુંદરાના બોરાણા ખાતે તપાસ હાથ ધરીને સાદી રેતીનું ગેરકાયદે ખનન અને વહન કરતા એક લોડર, એક ટ્રેક્ટર અને બે ડમ્પર સીઝ કર્યાં હતાં. તદુપરાંત, રોયલ્ટી પાસમાં દર્શાવેલાં જથ્થા કરતાં ગેરકાયદે ઓવરલોડ કપચી (બ્લેકટ્રેપ)નું વહન કરતું એક અન્ય ડમ્પર સીઝ કરવામાં આવ્યું હતું. શનિવારે ભુજના કાંઢવાંઢ ખાતે ગેરકાયદેસર સાદી રેતીનું ખનન અને પરિવહન કરવા સબબ એક એક્સકેવેટર મશીન, એક ડમ્પર, એક્સકેવેટર મશીનને લાવવા લઈ જવા ઉપયોગમાં લેવાતા એક ટ્રેલરને સીઝ કરવામાં આવ્યું હતું. તમામ લોકો સામે કાયદેસર દંડનીય કાર્યવાહી હાથ ધરાઈ છે.