મરણ જનાર ઈરફાન અબ્દુલભાઈ કુંભાર (ઉ.વ. ૨૧) અને ઝુબેર જુસબ ગજણ (ઉ.વ. ૧૮) બેઉ બાઈક પર નખત્રાણા તરફ જઈ રહ્યા હતા ત્યારે પાછળથી ટ્રેલરે ટક્કર મારતાં બેઉના ગંભીર ઈજાથી મૃત્યુ નીપજ્યાં છે. અકસ્માત સર્જનાર ટ્રેલરનો ડ્રાઈવર દારૂના નશામાં ચકચૂર હોવાનો સ્થાનિક લોકોએ દાવો કર્યો હતો.

ભુજની ભાગોળે આવેલા માધાપરમાં આજે સવારે ૧૦.૩૦ના અરસામાં સર્જાયેલાં અકસ્માતમાં ૧૪ વર્ષના કિશોરનું ગંભીર ઈજાથી મોત થયું હતું. મરણ જનાર આદર્શ અશોકભાઈ રાવલ (રહે. સર્જન-2 સોસાયટી, મુંદરા રોડ, ભુજ) સંબંધી રઘુરામભાઈ સાથે બાઈક પર જતો હતો ત્યારે ટ્રકે પાછળથી ટક્કર મારી હતી. કિશોરના માથાં પર ટ્રકનું ટાયર ફરી વળતાં તેનું મૃત્યુ નીપજ્યું હતું.

ભચાઉના નાની ચીરઈમાં ટ્રેક્ટરની અડફેટે નવ વર્ષની બાળકીના અપમૃત્યુની અરેરાટી હજુ શમી નથી ત્યાં ભચાઉ બાયપાસ પાસે કેસરીગઢ રિસોર્ટ પાસે કારની ટક્કરે ઝારખંડના ૨૦ વર્ષિય વિકાસરાય દેવેન્દ્રરાય પીંડારી નામના યુવકનું મૃત્યુ નીપજ્યું છે. બુધવારે પરોઢે પાંચ વાગ્યે અકસ્માત સર્જાયો હતો. મરણ જનાર વિકાસ ટ્રકના ક્લિનર તરીકે કામ કરતો હતો. પવનચક્કીનો સામાન ભરીને નીકળેલી ટ્રક ભચાઉ બાયપાસથી મેઈન રોડ ચઢતી હતી ત્યારે વિકાસ ટ્રકમાંથી ઉતરીને ટ્રાફિક ક્લિયર કરાવી રહ્યો હતો. તે સમયે મારુતિ કારે તેને અડફેટે લેતાં ગંભીર ઈજાઓ પહોંચી હતી.

અંજારની લાખારા વાંઢની વાડીમાં કામ કરતો યુવક ટ્રેક્ટરના પૈડાં નીચે કચડાઈ ગયો છે. મૃતક ૩૮ વર્ષિય મુકીમ નોડે વાડીમાં કામ કરતો હતો તે સમયે ટ્રેક્ટરના પાછલાં હિસ્સામાં તેના કપડાં લપેટાઈ જતાં તે ખેંચાઈ ગયો હતો.