નિમ્ન સ્તરની જાતિવાદી માનસિક્તા ધરાવતાં યુનિવર્સિટીના જ બે છાત્રોએ સિક્યોરીટી ગાર્ડ સાથે મળીને સફળતા હાંસલ કરનાર બે છાત્રોના નોટિસ બોર્ડ પર લગાડાયેલાં ફોટોગ્રાફ હટાવી દીધા છે. આ મામલે હવે ત્રણે વિરુધ્ધ ભુજ બી ડિવિઝન પોલીસ મથકમાં એટ્રોસિટી એક્ટ સહિતની કલમો તળે ફરિયાદ નોંધાવાઈ છે.

યુનિવર્સિટીની લાયબ્રેરીમાં વાંચન કરતા વિદ્યાર્થી કેતન મહેશ્વરી અને સહાધ્યાયી જય યાદવે GPSC દ્વારા લેવાયેલી ડેપ્યુટી સેક્શન ઑફિસર (DySO Legal)ની પરીક્ષામાં જ્વલંત સફળતા મેળવી હતી. ગત જૂલાઈમાં જાહેર થયેલાં પરિણામમાં કેતને ગુજરાતભરમાં પ્રથમ ક્રમ હાંસલ કરેલો અને જય યાદવે છઠ્ઠો ક્રમ મેળવ્યો હતો.

આ નોટિસ બોર્ડ પર રેવન્યૂ તલાટીની પરીક્ષા પાસ કરનારાં અન્ય છાત્રોના પણ ફોટો લાગેલાં છે.

થોડાંક દિવસો બાદ પ્રકાશે જોયું તો કેતન અને જયના ફોટા ત્રણે નોટિસ બોર્ડમાંથી ગાયબ થઈ ગયાં હતા. અન્ય છાત્રોના ફોટા પહેલાંની જેમ યથાવત્ હતા.પ્રકાશે આ મામલે લાયબ્રેરિયનને પૂછતાં તેણે અજાણતા દર્શાવેલી. આ ઘટનાના પગલે યુનિવર્સિટીમાં ભણતાં અનુસૂચિત જાતિના છાત્રોમાં રોષ ફેલાયો હતો. દલિત સંગઠનોના પ્રતિનિધિઓએ પણ યુનિવર્સિટી દોડી આવી વિરોધ વ્યક્ત કરેલો.

ફરિયાદમાં પ્રકાશે જણાવ્યું કે પૂર્વદીપે બૉય્ઝ હોસ્ટેલના સિક્યોરીટી ગાર્ડ હમીર રબારીને ફોનમાં કેતનનો ફોટો બતાડીને સૂચના આપી હતી કે આને હોસ્ટેલમાં આવવા દેતા નહીં. જાતિના આધાર પર બે સમાજ વચ્ચે દ્વેષભાવ અને ધિક્કારની લાગણી ફેલાવવાના બદઈરાદે દલિત છાત્રોના ફોટા દૂર કરવા બદલ પ્રકાશ બુચીયાએ ભુજ બી ડિવિઝન પોલીસ મથકમાં પૂર્વદીપ, મયૂર અને સિક્યોરીટી ગાર્ડ મુદ્રિકા સામે ફરિયાદ નોંધાવી છે. પોલીસે BNSની કલમ ૧૯૬ અને ૫૪ તથા એટ્રોસિટી એક્ટની કલમ ૩ (૧) (u),  ૩ (૨) (va) હેઠળ ફોજદારી ફરિયાદ દાખલ કરી છે.