નવા કાયદામાં લોકોને વર્ષમાં ૧૨૫ દિવસ રોજગાર મળશે, જૂના કાયદામાં ફક્ત ૧૦૦ દિવસ રોજગારની ગેરન્ટી હતી તેવો કેન્દ્રનો દાવો છે.

કોંગ્રેસે નવા કાયદામાંથી મહાત્મા ગાંધીનું નામ દૂર કરવા સામે વિરોધ કરતાં જણાવ્યું છે કે મનરેગા હેઠળ તમામ ફંડ કેન્દ્ર સરકાર ચૂકવતી હતી પરંતુ નવા કાયદામાં હવે ૪૦ ટકા ફંડ રાજ્ય સરકારોને ચૂકવવાનું રહેશે.

રાજ્ય સરકારો પર આર્થિક બોજ લાદવાનો હોય તેવા સંજોગોમાં બંધારણના આર્ટિકલ ૨૫૮ તળે કેન્દ્ર સરકારે તમામ રાજ્યો સાથે પહેલાંથી પરામર્શ કરી તેમને વિશ્વાસમાં લેવા જોઈતા હતા. પરંતુ, કેન્દ્ર સરકારે નવો કાયદો લાવતા અગાઉ કોઈ રાજ્ય સરકાર સાથે પરામર્શ કર્યો નથી અને બંધારણીય અધિકારનો પણ સરેઆમ ભંગ કર્યો છે.

જિલ્લા કોંગ્રેસ પ્રમુખ વી.કે. હુંબલે જણાવ્યું કે કેન્દ્ર સરકારે મનસ્વી રીતે નવો કાયદો લાવીને ગરીબો, ખેડૂતો, મહિલાઓ, કામદારો, આદિવાસીઓ અને અન્ય સમુદાયના લોકોને મળતો રોજગાર છીનવવા પ્રયાસ કર્યો છે. દેશમાં દુષ્કાળ, અછત, પૂર જેવી આફતો સમયે મનરેગા કાયદામાં સૌ માટે સમાન આજીવિકા હતી જે છીનવાઈ જશે. ભાજપને ભ્રષ્ટાચારનું મોકળું મેદાન મળશે.