ઉલ્લેખનીય છે કે ૦૮-૦૧-૨૦૨૩ના રોજ સમંડા સીમના જંગલ વિસ્તારમાં સ્કોર્પિયો કારમાં આવેલા ચારથી પાંચ શખ્સોએ બંદૂકના ભડાકે ચિંકારાનો શિકાર કર્યો હતો. આ ગુનામાં કારના નંબરના આધારે વન તંત્રની ટીમ ઈમામશા સૈયદ સુધી પહોંચી ગઈ હતી. પોતાની ધરપકડ સામે રાહત મેળવવા ઈમામશા ભુજ કૉર્ટથી લઈ છેક સુપ્રીમ કૉર્ટ સુધી જંગ લડ્યો હતો. જો કે, તમામ કૉર્ટે તેની અરજી ફગાવી દેતાં અંતે આજે તેણે કૉર્ટમાં આત્મસમર્પણ કર્યું છે. ઈમામશાની પૂછપરછમાં અન્ય આરોપીઓની વિગતો અને ગુનાને લગતી વધુ કડીઓ મળવાની વન તંત્રને આશા છે. ઉલ્લેખનીય છે કે ચિંકારા સંરક્ષિત પ્રાણી છે અને તેનો શિકાર કરવા બદલ સાત વર્ષથી વધુ સજાની જોગવાઈ છે.