સૂરજ ઢળે ને હિટાચી, લોડરથી જમીન ખોદવાનું શરૂ થાય છે. બીજી તરફ, ટ્રકોમાં માલ ભરાતો જાય છે અને નજીકના ગામમાં આવેલા કુખ્યાત વ્યક્તિના કિલનમાં પ્રોસેસિંગ માટે માલ પહોંચતો થાય છે.

કોઈ દંડો ઉગામીને બોક્સાઈટ ભરેલી ટ્રકોને અટકાવે તો ઉપરથી તરત સાહેબોના ફોન આવી જાય છે! અમદાવાદ ગાંધીનગર બાજુની બળૂકી પાર્ટી આ ખનિજ ચોરીમાં સામેલ હોવાનું સૂત્રો ઉમેરે છે. આમ તો હવે સરકારી તંત્રોમાં ભ્રષ્ટાચારે સંગઠિત સ્વરૂપ ધારણ કરી લીધું છે. તેથી ખાલી ખાલી ભલામણ નહીં પરંતુ ભલામણ સાથે મોટી પ્રસાદીની ગોઠવણ થઈ હોય તો જ જવાબદાર તંત્રો આંખ આડા કાન કરી લે.