છેલ્લાં એક વર્ષ દરમિયાન ભરતે પીડિતાના ઘરે આવીને, તે જ્યાં સૂતી હતી ત્યાં અગાસી પર ત્રણથી ચાર વખત શારીરિક સંબંધ બાંધેલો. આરોપી પીડિતાને તેના માતા પિતાને મારી નાખવાની ધમકી આપીને દુષ્કર્મ આચરતો રહ્યો હતો.

આ ગુનામાં ૩૦ દસ્તાવેજી આધારો અને ૧૧ સાક્ષીઓની જુબાની, બંને પક્ષના ધારાશાસ્ત્રીઓની દલીલો, પોક્સો એક્ટની જોગવાઈઓને અનુલક્ષીને આજે ભુજની વિશેષ પોક્સો કૉર્ટના જજ જે.એ. ઠક્કરે પોક્સો એક્ટની કલમ ૬ હેઠળ ૨૦ વર્ષની સખ્ત કેદ સાથે પચાસ હજારનો દંડ તથા બીએનએસની કલમ ૩૫૧ (૩) હેઠળ ૨ વર્ષની સખ્ત કેદ સાથે પાંચ હજાર રૂપિયાનો દંડ ફટકાર્યો છે. કૉર્ટે આરોપીને પોક્સો એક્ટની કલમ ૬૪ (૨) (એમ) હેઠળ પણ દોષી ઠેરવેલો પરંતુ સજાનું પ્રાવધાન પોક્સો એક્ટની કલમ ૬ સમાંતર હોઈ અલગથી કોઈ સજા ફટકારી નથી.

ગુનાની તપાસ તત્કાલિન પીઆઈ હાર્દિક એસ. ત્રિવેદીએ કરેલી. પ્રોસિક્યુશન તરફે મુખ્ય જિલ્લા સરકારી વકીલ એચ.બી. જાડેજાએ દલીલો કરી હતી.

૩૫ વર્ષિય ભરત ધરપકડ થઈ ત્યારથી જેલમાં કેદ છે. તે પરિણીત છે અને બે સંતાનો છે. પોતાનાથી અડધી ઊંમરની કિશોરીને પ્રેમજાળમાં ફસાવી આચરેલાં શારીરિક સંબંધને ગંભીર ગુનો લેખાવતા કૉર્ટે જણાવ્યું કે કિશોરી સાથે પ્રેમ સંબંધ કરવો તે ગુનો નથી પરંતુ શારીરિક સંબંધો બાંધવા તે ગુનો છે. ભરતે જે ગુનો આચર્યો તેમાં પીડિતાની સંમતિ હતી તેવું રેકર્ડ પર આવે છે પરંતુ કાનૂની જોગવાઈઓ જોતાં ૧૮ વર્ષથી નાની વયના કોઈ પણ બાળકની સંમતિથી પણ જો આવું કૃત્ય થયું હોય તો તે પોક્સો એક્ટની કલમ ૬ મુજબનો ગુનો બને છે. આવા કેસમાં કિશોરીની સંમતિ હોય તો પણ તે ગુનો બને છે.