ઝૈનુલે ગુગલ પરથી ગુજરાતના એક મહિલા તબીબનું પ્રમાણપત્ર ડાઉનલોડ કરી, તેમાં ચેડાં કરીને પોતાનું નામ ચઢાવી દઈને ભુજમાં એમ.ડી. ડૉક્ટર તરીકે હોસ્પિટલ ખોલીને સારું વળતર મળવાની લાલચ આપી અનેક મોટી પાર્ટીઓને બૂચ મારી ફરાર થઈ ગયો હતો. શિવાલિકા ગૃપે નોંધાવેલી ફરિયાદના આધારે સાયબર ક્રાઈમ પોલીસ ઝૈનુલને ભરુચથી પકડી લાવી હતી.

ઝૈનુલના વકીલોએ દલીલ કરી હતી કે સમગ્ર કેસ દસ્તાવેજી પુરાવા આધારીત છે તેથી તેમાં કોઈ ચેડાં થવાની શક્યતા નથી. બીએનએસ કલમ ૩૩૮ને બાદ કરતાં તમામ કલમો સાત વર્ષ સુધીની સજાને પાત્ર છે. ગુનાની તપાસ પૂરી થઈ ગઈ હોઈ તેને જામીન પર છોડવો જોઈએ. આઠમા અધિક સેશન્સ જજ તુષાર ખંધડીયાએ ઝૈનુલે પારકાં મેડિકલ સર્ટીમાં ચેડાં કરી ઝૈનુલ પોતે તબીબ તરીકે પ્રેક્ટિસ કરવા માંડેલો તે બાબતને ગંભીર ગુનો ગણાવ્યો. 

આરોપી સામે કૉર્ટમાં નેગોશિયેબલ ઈન્સ્ટ્રુમેન્ટ એક્ટ (ચેક બાઉન્સ)ના અન્ય કેસો પણ ચાલી રહ્યાં છે. કેસ જોતાં આરોપીને જામીન પર છોડવો ઉચિત જણાતો નથી. કેસમાં સરકાર તરફે એડવોકેટ પ્રવિણ વાણિયાએ દલીલો કરી હતી.