૧૭-૧૮ ઓક્ટોબર ૨૦૨૩ની રાત્રે ગાંધીધામ બી ડિવિઝન પોલીસે બાતમીના આધારે શ્રીરામ સોસાયટીમાં રહેતા મહેન્દ્ર કરમશી ધેડાના રહેણાંક મકાનમાં રેઈડ કરી ૧૭.૯૦ લાખ રૂપિયાના મૂલ્યની શરાબની પેટીઓ જપ્ત કરી હતી.

રેઈડ સમયે ધીરજ અને પેટીઓ ઉતારનાર બે છોકરાં નાસી ગયાં હતાં જેમને પાછળથી પોલીસે પકડી પાડ્યાં હતાં. ધીરજ સામે અગાઉ પણ દારુબંધીના અનેક ગુના નોંધાયેલાં હોવાનું અને આ સમાજવિરોધી ગંભીર ગુનો હોવાનું જણાવી ગાંધીધામના બીજા અધિક સેશન્સ જજ બી.જી. ગોલાણીએ તેને જામીન પર છોડવાનો સાફ ઈન્કાર કરીને અરજી ફગાવી દીધી હતી.

ગઢશીશા પોલીસે ૬ દિવસ અગાઉ ગત ત્રીજી જાન્યુઆરીએ ગામના મફતનગર વિસ્તારમાં આવેલા ગાયોના વાડામાં ઘાસની ગંજીઓની ઓથે ૩૮ હજારના મૂલ્યના વિવિધ બ્રાન્ડના ઈંગ્લિશ શરાબની ૯ પેટીઓ જપ્ત કરી હતી. વાડાનો કબજો ભોગવટો ધરાવતો મનીષગીરી મંગલગર ગુંસાઈ (રહે. શક્તિનગર, ગઢશીશા) સ્થળ પરથી પકડાઈ ગયો હતો. મનીષની પૂછતાછમાં માંડવીના દુજાપરનો દિવ્યરાજ મહેન્દ્રસિંહ ગોહિલ માલ આપી ગયો હોવાનું ખૂલ્યું હતું. મનીષે કરેલી રેગ્યુલર બેઈલ એપ્લિકેશન ભુજના આઠમા અધિક સેશન્સ જજ એસ.એમ. કાનાબારે ફગાવી દીધી છે.