જૂન ૨૦૦૧માં રીલીઝ થયેલી આમીર ખાન નિર્મિત ફિલ્મ ‘લગાન’નું શૂટિંગ ભુજના કુનરીયા ગામે થયું હતું.

ગત બુધવારે રાત્રે ધનજીભાઈ ચાડનો ૩૯ વર્ષિય પુત્ર મહાવીર સ્કોર્પિયો કાર લઈને માઉન્ટ આબુ જતો હતો ત્યારે ડીસા નજીક સોતમલા પાટિયા પાસે આગળના વાહનમાં કાર ટકરાતાં સર્જાયેલી ગમખ્વાર દુર્ઘટનામાં મહાવીરનું સ્થળ પર મૃત્યુ નીપજ્યું હતું. દુર્ઘટના અંગે જાણ થતાં ગત રાત્રે આમીર ખાને ફોન કરી ધનજીભાઈને આશ્વાસન આપ્યું હતું અને આજે સવારે મુંબઈથી ખાસ ચાર્ટર ફ્લાઈટમાં ભુજ આવી કોટાય ગામે પહોંચી બેસણાંમાં હાજરી આપી હતી.