આ પહેલનો હેતુ સ્થાનિક યુવાનોને પ્રદેશના વિકાસમાં ભાગીદાર બનવા માટે સ્થાનિક યુવાનોને કૌશલ્યવાન બનાવી તકો પૂરી પાડવાનો છે.

આ સહયોગ ટેકનિકલ શિક્ષણને રોજગારની જરૂરિયાતો સાથે જોડવા અભ્યાસક્રમની ગુણવત્તા વધારવા, ઇન્ફ્રાસ્ટ્રક્ચર આધુનિકરણ, ફેકલ્ટી ડેવલપમેન્ટ, પ્રેક્ટિકલ એક્સપોઝર અને પ્લેસમેન્ટ સપોર્ટ પર ધ્યાન કેન્દ્રિત કરશે. આ પ્રસંગે રાજ્યના શ્રમ, કૌશલ્ય વિકાસ અને રોજગાર તથા ગ્રામ વિકાસ કેબિનેટ મંત્રી કુંવરજીભાઈ બાવળિયા અને આ જ વિભાગના રાજ્ય કક્ષાના મંત્રી કાંતિલાલ અમૃતિયા, કચ્છના સાંસદ વિનોદભાઈ ચાવડા, ઉચ્ચ અને તાંત્રિક શિક્ષણ વિભાગના રાજ્યકક્ષાના ત્રિકમભાઈ છાંગા સાથે ભુજ, માંડવી, અબડાસા અને રાપરના ધારાસભ્યો ઉપસ્થિત રહ્યાં હતા.

ASE દ્વારા વિદ્યાર્થીઓને 'સ્કીલ ટૂ એમ્પ્લોય' (Skill2Employ) આમંત્રણ પત્રો એનાયત કરાયા હતા. ઉત્કૃષ્ટ ઓલરાઉન્ડ પ્રદર્શન બદલ ૨૨ વિદ્યાર્થીઓને 'સર્ટિફિકેટ ઑફ એક્સેલન્સ' અને ASE ના ટ્રેઈન ધ ટ્રેઈનર (TTT) પ્રોગ્રામ હેઠળ 30 ઇન્સ્ટ્રક્ટર્સને પ્રમાણપત્રો આપવામાં આવ્યા હતા. અદાણી ઇકો સિસ્ટમમાં કાર્યરત ITI સ્નાતકોએ પણ તેમની સફળતાની સફર શેર કરી હતી.

અદાણી સ્કીલ્સ એન્ડ એજ્યુકેશન (ASE) ના ચીફ એક્ઝિક્યુટિવ ઓફિસર (CEO) રોબિન ભૌમિકે જણાવ્યું હતું કે “કચ્છ એ અમારી કર્મભૂમિ છે અને અમે તેના ભવિષ્ય માટે સંપૂર્ણ પ્રતિબદ્ધ છીએ. ગુજરાત સરકાર અને સ્થાનિક ITIs સાથેની ભાગીદારી દ્વારા અમારો હેતુ એક એવું સક્ષમ અને કુશળ વર્કફોર્સ તૈયાર કરવાનો છે જે લાંબા ગાળાના પ્રાદેશિક પરિવર્તનમાં મદદરૂપ બને”

'સ્કીલ ટૂ એમ્પ્લોય' અભિગમ દ્વારા ASE ક્લાસરૂમ લર્નિંગને વાસ્તવિક ઓપરેટિંગ એક્સપોઝર સાથે જોડે છે. સિમ્યુલેશન, સેન્ટર્સ ઓફ એક્સેલન્સ (CoEs) અને વૈશ્વિક સ્તરના અભ્યાસક્રમની મદદથી તે પ્રથમ દિવસથી જ પ્રોડક્ટિવ વર્કફોર્સ તૈયાર કરવા માંગે છે. આ પહેલથી પ્રતિભાઓનું પલાયન અટકશે અને કચ્છનો વિકાસ સ્થાનિક પ્રતિભાઓ દ્વારા જ થશે. સમારોહમાં કચ્છના વિવિધ વરિષ્ઠ આગેવાનો, ગુજરાત સરકારના અધિકારીઓ, અદાણી ગ્રુપના વરિષ્ઠ પદાધિકારીઓ અને કચ્છની તમામ ૧૧ સરકારી ITI ના ​​૬૦૦થી વધુ વિદ્યાર્થીઓ અને ફેકલ્ટી સભ્યો હાજર રહ્યા હતા.