કંપનીના જનરલ મેનેજર મનોહર હિન્દુજાએ કંપની સાથે થયેલાં વિશ્વાસઘાત બદલ પવન ટ્રાન્સલોગના નામથી પેઢી ધરાવતાં શામજી આહીર અને ડમ્પરના ડ્રાઈવર સામે કંડલા મરીન પોલીસ મથકે ફરિયાદ નોંધાવી છે. ફરિયાદીએ જણાવ્યું કે તેમણે ગાંધીધામના અગ્રવાલ કોલ કોર્પોરેશનમાંથી સાઉથ આફ્રિકાનો RB-2 ગ્રેડનો ઈમ્પોર્ટેડ કોલ ખરીદયો હતો. કોલસાનો જથ્થો કંડલા પોર્ટના પ્લોટ નંબર ૨૪માં સંઘરાયેલો હતો. જેથી તેમણે પોર્ટથી કોલસો ભરીને તેમની ભારાપરના પ્લાન્ટમાં ઠાલવવા માટે શામજી આહીરને કામ આપ્યું હતું.

ઉલ્લેખનીય છે કે, કંડલા અને મુંદરા બંદરે આયાત થતાં માલ-સામાનની રસ્તામાં અધવચ્ચે મોટાપાયે ભેળસેળ અને ચોરી થાય છે. કેટલીક ચોક્કસ ગેંગો સુઆયોજીત રીતે ડ્રાઈવરોને ફોડીને આ કૌભાંડ આચરે છે. આવા કરતૂતો સામે આંખ આડા કાન કરવા બદલ પલળેલાં ખાખીધારીઓ અને ચોપાનિયાઓને પણ ભરપેટ ‘પ્રસાદી’ મળતી રહે છે.