આ જુગારક્લબનો સંચાલક H.B. સિક્યોરીટી સર્વિસનો સંચાલક હર્ષદસિંહ બાલુભા જાડેજા (ઉ.વ.30, રહે. ગાયત્રીનગર, કિડાણા સોસાયટી, ગાંધીધામ) છે. જે બહારથી ખેલીઓ બોલાવી નાલ ઉઘરાવી ધાણી-પાસાનો જુગાર રમાડે છે. બાતમી મળતાં જ પોલીસે કાસેઝના જવાબદારો પાસેથી મંજૂરી લઈ દરોડો પાડ્યો હતો. દરોડા દરમિયાન પોલીસે ક્લબના સંચાલક હર્ષદસિંહ જાડેજા સહિત અન્ય છ ખેલીને 1 લાખ 5 હજાર 600ની રોકડ રકમ સાથે જુગટું રમતાં રંગેહાથ ઝડપી પાડ્યાં હતા. આરોપીઓ પાસેથી પોલીસે 26 હજારની કિંમતના 7 નંગ મોબાઈલ ફોન, 75 હજારની કિંમતના 3 મોટર સાયકલ મળી કુલ 2 લાખ 6600 રૂપિયાનો મુદ્દામાલ કબ્જે કર્યો છે. ઝડપાયેલાં અન્ય ખેલીઓમાં નીતેશ ઊર્ફે ભુટ્ટો જખુભાઈ મહેશ્વરી, રાજેશ લાલજીભાઈ મહેશ્વરી, પ્રવિણ જેઠાભાઈ ભરવાડ, હિતેશ ખેરાજભાઈ ગરવા, કેશાભાઈ વેલજીભાઈ મહેશ્વરી અને કરસન ગોપાલભાઈ માતંગનો સમાવેશ થાય છે. સાતેય વિરુધ્ધ જુગારધારાની કલમ 4 અને 5 હેઠળ ગાંધીધામ બી ડિવિઝન પોલીસ મથકે ફરિયાદ નોંધાવાઈ છે.