બનાવ અંગે કંડલા મરીન પોલીસે તપાસ કરતાં ટ્રકચાલકે આ પેટકોક પોર્ટમાં આવેલાં ૨૩ નંબરના ખુલ્લાં પ્લોટમાંથી ભર્યો હોવાનું બહાર આવ્યું હતું. આ પ્લોટ ACT ઈન્ફ્રાપોર્ટ લિમિટેડના કબ્જાનો હતો અને તેમાંથી પેટકોક ચોરવામાં આવ્યો હતો. બનાવ અંગે ACT ઈન્ફ્રાપોર્ટ લિમિટેડના આસિસ્ટન્ટ મેનેજરે મનહર વિરુધ્ધ ફરિયાદ નોંધાવી હતી.

સર્વા ઝુંપડામાં રહેતાં દિલીપ ઉગમારામ ચોરઠીયાએ ગેંગ સાથે કોન્ટેક્ટ કરાવ્યો હતો. ચોરીનો કોલસો પોર્ટની અંદર ભરાવી બહાર કઢાવી આપવાની જવાબદારી અલ્તાફ જુસબ કટીયાની હતી. આ માટે કુંદન ચૌહાણ નામના લોડરના ડ્રાઈવરને કામે રાખેલો. કોલસો પોર્ટ બહાર નીકળ્યાં બાદ ગુલામ પાસે હમજા પાર્કિંગમાં પહોંચાડવાની જવાબદારી નૂરમામદ ઊર્ફે નૂરી મામદ નિંગામરા (રહે. ઈફકો ઝુંપડા, નવા કંડલા)ની હતી. તેમની સાથે તેમના સાગરીતો આદમ ઊર્ફે ગઢ્ઢો બાવલા કોરેજા અને અબ્દુલ ઊર્ફે અભલો મામદ ભટ્ટી (ત્રણેય રહે. ખારીરોહર) સામેલ હતા.

સફળ ડિટેક્શનમાં કંડલાના પીઆઈ એમ. એમ. જાડેજા, હેડ કોન્સ્ટેબલ મહેન્દ્રસિંહ ઝાલા, કોન્સ્ટેબલ અજયસિંહ ઝાલા, જયપાલસિંહ પરમાર, ઉદયસિંહ સોલંકી, દેવરાજ પટેલની ટૂકડીએ મહેનત કરી હતી.