કોચીન પોર્ટમાં 2004થી 2013ના સમયગાળામાં સેક્રેટરી તરીકે ફરજ દરમિયાન સિરીલે આ અપ્રમાણસર સ્થાવર-જંગમ મિલકત તેમના સ્વજનોના નામે વસાવી હોવાનું સીબીઆઈએ જણાવ્યું છે. સત્તાવાર આવકની તુલનાએ આ મિલકત 120 ટકા વધુ છે. સિરીલ 1987માં કંડલા પોર્ટના લેબર ઑફિસર હતા અને 1993 સુધી કંડલામાં ફરજ બજાવ્યા બાદ તેમની બદલી થઈ હતી. ગુનો દાખલ થયા બાદ સીબીઆઈએ તેમના નિવાસસ્થાન અને કચેરીમાં દરોડા પાડી મોટાપાયે આર્થિક વ્યવહારો, મિલકતના દસ્તાવેજો, રોકાણના પૂરાવા વગેરે જપ્ત કર્યાં છે. તેમના પત્ની એર્નાકૂલમમાં પ્રાથમિક શિક્ષિકા છે.