સરકારી ગાઈડલાઈન મુજબ ક્રુ મેમ્બર્સનું ઓનબૉર્ડ સ્ક્રીનીંગ કરાય છે. ચેપગ્રસ્ત વ્યક્તિના સંપર્કમાં આવેલી ચીજવસ્તુ તેમજ નૈસર્ગિક મળ-મૂત્રોત્સર્ગથી પણ વાયરસ વાયરલ થઈ શકે તેવી દહેશત રહેલી છે. જેથી ખાસ સરક્યુલર બહાર પાડી તેના પર પ્રતિબંધ ફરમાવી દેવાયો છે. પોર્ટમાં કામ કરતાં કામદારોને પણ વિદેશી ખલાસીઓથી સલામત અંતર જાળવવા સહિતની બાબતોથી વાકેફ કરાયાં છે. દરમિયાન, કોરોનાના કારણે લાંબા ગાળે પોર્ટનો 30-35 ટકા કન્ટેઈનર ટ્રાફિક ઘટવાની આશંકા છે. જો કે, વર્તમાન નાણાંકીય વર્ષમાં 119 મિલિયન મેટ્રિક ટન કાર્ગો હેન્ડલીંગ કરવાનો પોર્ટનો લક્ષ્યાંક સિધ્ધ થઈ જશે તે બાબત નિશ્ચિત છે.