ફરિયાદી મનસુખ પુંજાભાઈ દાફડાએ પોલીસને જણાવ્યું કે રહેણાક પાસે આવેલા વંડામાં પંદર દિવસ અગાઉ આવેલો માંગરોળનો મહેશ કેશાભાઈ વાઘેલા અને તેનો ભાઈ ઝૂંપડું બનાવીને રહે છે. બેઉ જણ માતાના મઢમાં રમકડાં વેચવા ગયાં છે અને તમામ ઘરવખરી ઝૂંપડામાં રાખેલી છે.

આગના લીધે સિત્તેર હજારનું નુકસાન થયું છે.

ગાંધીધામના મચ્છુનગરમાં રહેતા અરવિંદ હરખાભાઈ પરમારના ઘરના દરવાજાને બહારથી સ્ટોપર મારીને ઘર બહાર આંગણામાં પાર્ક એક્ટિવા અને  સાયકલને આગ સળગાવી દેવાયા છે.

બનાવ અંગે પડોશમાં રહેતા જયપાલ મુકેશભાઈ વાઘેલા અને રાજુ જીવાભાઈ યાદવ પર શક દર્શાવતાં અરવિંદે જણાવ્યું છે કે તેની જોડે અગાઉ બોલાચાલી થયેલી તેની અદાવત રાખીને તેમણે આ કૃત્ય કર્યું હોઈ શકે છે. ગાંધીધામ બી ડિવિઝન પોલીસે તપાસ હાથ ધરી છે.

મુંદરાના ઝરપરા ગામે રતન મંગાભાઈ ગઢવી નામના શખ્સે ગ્રામ પંચાયતના વહીવટમાં ભ્રષ્ટાચાર ચાલતો હોવાનો મામલે આરોપ કરીને પંચાયતમાં માથાકૂટ કરીને તલાટી તથા સહ તલાટીને પાંચ લીટર પેટ્રોલ લઈ પંચાયતને સળગાવી દેવાની ધમકી આપી હોવાની ફરિયાદ મુંદરા પોલીસ મથકે નોંધાઈ છે. ફરિયાદી તલાટી રાજલ ગઢવીએ જણાવ્યું કે આરોપી રતન ગઢવી લાંબા સમયથી પંચાયતમાં વિવિધ મામલે વારંવાર અરજીઓ કરીને રૂબરૂ આવીને બોલાચાલી કર્યાં કરે છે. સોમવારે તે એક જણને સો ચોરસવારનો રહેણાક પ્લોટ મળ્યો ના હોવાની અરજી લઈને આવેલો અને માથાકૂટ કરી ધમકી આપેલી.