હિમાંશુએ ફરિયાદીને લાલચ આપેલી કે વડોદરા નજીક એડવાઈઝર લર્નિંગ રીસોર્ટ લિમિટેડનું નિર્માણ થઈ રહ્યું છે. તેના શૅર સાથે ફ્રેન્ચાઈઝી લઈ લો. રોકાણની મૂળ રકમની સામે દસ ગણી રકમ દર વર્ષે દસ દસ ટકા લેખે પરત મળશે. તેની વાતોમાં ભોળવાઈ જઈને ફરિયાદીએ ઑગસ્ટ ૨૦૨૨માં ૧૦.૨૦ લાખ રૂપિયાનું રોકાણ કરેલું અને નાણાં ઓનલાઈન ટ્રાન્સફર કરેલાં. બે મહિના બાદ ફરિયાદી સ્ટેચ્યુ ઑફ યુનિટી ખાતે ફરવા ગયેલો ત્યારે નિર્માણાધીન રિસોર્ટ સાઈટની પણ મુલાકાત લીધેલી.

તેની વાતો પર ભરોસો કરીને ફરિયાદીએ નાણાં મેળવવામાં કોઈ ઉતાવળ કરી નહોતી. ત્યારબાદ ફરિયાદી જ્યારે જ્યારે નાણાં માંગે ત્યારે હિમાંશુ બહાના કરીને છટકી જતો. પછી તો ફોન જ ઉપાડવાનું બંધ કરી દીધેલું. આદિપુર પોલીસે વિશ્વાસઘાત અને છેતરપિંડીની કલમો તળે ગુનો નોંધી તપાસ હાથ ધરી છે.