ઘર બહાર પાણી ઢોળવા બાબતે મરનાર તેજલનો અગાઉ આરોપીઓ જોડે ઝઘડો થયેલો. તેની અદાવત રાખીને પેપાબેન પ્રકાશ નટ, અફસાના હિતેશ નટ સહિત ૬ જણે તેજલ પર કેરોસીન છાંટીને ઘર બહાર જીવતી સળગાવી દીધી હતી.

ગંભીર રીતે દાઝી ગયેલી તેજલનું સારવાર દરમિયાન ૧૨ જાન્યુઆરીએ નિધન થયું હતું. આ ગુનામાં ગાંધીધામ બી ડિવિઝન પોલીસે વિનોદ, હિતેશ, કિશન અને પ્રકાશની ધરપકડ કરી હતી. જ્યારે અફસાના અને પેપાબેન ફરાર થઈ ગયાં હતા.

આખરે બેઉ જણી વતન રાજસ્થાનના સાંચોર ખાતે આવી હોવાની માહિતી મળતાં ગાંધીધામ બી ડિવિઝનના પીઆઈ એસ.વી. ગોજિયાના માર્ગદર્શનમાં પીએસઆઈ એલ.એન. વાઢિયા સાથે એક ટીમે ત્યાં દોડી જઈ બંનેની ધરપકડ કરી લીધી છે. ઉલ્લેખનીય છે કે ૩૦-૧૨-૨૦૨૨ના રોજ ગાંધીધામ સેશન્સ કૉર્ટે અગાઉ પકડાયેલાં તેમના પતિઓ સહિત ચારે આરોપીને દોષી ઠેરવી આજીવન કારાવાસ ફટકાર્યો હતો.