હાર્દિકે જણાવ્યું કે દોઢેક વરસ અગાઉ તે  નાના ભાઈ અને પિતા જોડે સામખિયાળીમાં જ્વેલરી શોપ ચલાવતો હતો. અચાનક આર્થિક જરૂરત ઊભી થતાં દુકાને અવારનવાર આવીને ‘જરૂર પડે તો વ્યાજે નાણાં લઈ જજો’ તેવી ઑફર કરતાં રોહન અને રમેશ મા’રાજનો સંપર્ક કરેલો.

નાણાં ચૂકવવાનું બંધ કરતાં બેઉ ભાઈ ફરિયાદીના નાના ભાઈ અને કાકાને રૂબરૂ મળીને ધાક-ધમકી કરી પઠાણી ઉઘરાણી કરતાં. ભચાઉના વોંધ ખાતે સોમવારે હાર્દિક બનેવીની શોકસભામાં આવ્યો ત્યારે રમેશ તેને જોઈ ગયો હતો. રમેશે તેને બાકીના દસ મહિનાના વ્યાજપેટે અઢી લાખ રૂપિયા અને મૂડીના પાંચ લાખ રૂપિયા ચૂકવી દેવાનું કહીને જાનથી મારી નાખવાની ધમકી આપી હતી. પોલીસે ગુનો નોંધી તપાસ હાથ ધરી છે.