ફરિયાદીએ જણાવ્યું કે તેઓ ગાંધીધામમાં કચ્છ ટ્રાન્સશિપીંગ નામથી મોટા ભાઈ સાથે પાર્ટનરશીપમાં ટ્રાન્સપોર્ટ પેઢી ચલાવે છે. ધંધા અંતર્ગત તામિલનાડુની બ્રાસ લોજિસ્ટીક નામની પેઢી સાથે પરિચય થયેલો.

આ પેઢીએ ગત વર્ષે તેમની પેઢીની ટ્રકો અને ટ્રેલરો ભાડે મેળવેલા પરંતુ તે પેટે ચૂકવવાની થતી ૫૮.૩૪ લાખની રકમ આજ દિન સુધી ચૂકવી નથી અને કેવળ વાયદા કરે છે. ફરિયાદીએ બ્રાસ લોજિસ્ટીક્સના ચાર પાર્ટનર સંજીવકુમાર, રાજેશ કુમાર, હરેશ કુમાર અને બેન્સી વિરુધ્ધ ફરિયાદ નોંધાવી છે.

ગાંધીધામમાં સાર ટ્રાન્સપોર્ટ સિસ્ટમ પ્રા.લિ. નામથી એક્સપોર્ટ ઈમ્પોર્ટ માટે કન્ટેઈનરો ભાડે આપવા/ અપાવવાનું કામ કરતી પેઢી સાથે બેંગ્લોરમાં હેડ ક્વાર્ટર ધરાવતી પરાગ એક્ઝિમ નામની પેઢીના માલિક પરાગ જોબનપુત્રા અને તેના ભાઈ તેજસ જોબનપુત્રાએ ૭.૫૮ લાખની ઠગાઈ કરી છે. પરાગ અને તેજસ બંને રાજકોટના મવડીમાં રહે છે. ફરિયાદી અમિત મેઘાણીએ ગાંધીધામ બી ડિવિઝન પોલીસ મથકે બેઉ ભાઈ સામે નોંધાવેલી ફરિયાદમાં જણાવ્યું કે તેમણે મુંબઈના નાસિક અને નાગપુરથી ડુંગળી ભરીને ન્હાવાસેવા પોર્ટ પરથી દુબઈ એક્સપોર્ટ કરવાના નામે પાંચ કન્ટેઈનર ભાડે માગેલાં.

માલ ભરીને કન્ટેઈનરો પોર્ટ પર આવેલા પરંતુ બેઉ પેઢીને ટ્રક ભાડા અને કન્ટેઈનર ભાડા પેટે ચૂકવવાનું થતું ૭.૫૮ લાખનું પેમેન્ટ કંપનીએ ના ચૂકવતાં પાંચ છ દિવસ બાદ વેપારીઓએ કન્ટેઈનરોમાંથી માલ ઉતારી લીધો હતો. પરાગ અને તેજસ બેઉ વાયદાબાજી કરે છે બીજી તરફ પોતાના બોલના આધારે પાંચ ટ્રકો અને કન્ટેઈનરો ભાડે આપનારી બે પેઢીઓને ‘ટોપી’ પહેરવાનો વારો આવ્યો હોવાનું ફરિયાદીએ લખાવ્યું છે.