રસ્તામાં બાપુના આશ્રમ નજીક રોડ પર અચાનક ગાય આડી ઉતરતા કિશોરે બાઈકને બ્રેક મારેલી અને બ્રેક મારતા જ બાઈક સ્લીપ થઈ ગઈ હતી. જેમાં દેવરાજને શરીરે ગંભીર ઈજાઓ પહોંચી હતી. દેવરાજને સારવાર માટે સૌપ્રથમ સામખિયાળીની ખાનગી હોસ્પિટલ અને બાદમાં ભુજની ખાનગી હોસ્પિટલમાં ખસેડાયો હતો.

બનાવ અંગે દેવરાજના મામા પ્રકાશ કોલીએ લાકડીયા પોલીસ મથકે કિશોર કોલી વિરુધ્ધ બેદરકારીપૂર્વક પૂરઝડપે બાઈક હંકારી અકસ્માત સર્જીને ભાણિયાનું મોત નીપજાવવા સબબ આજે ફરિયાદ નોંધાવી છે.

એક જમાનામાં મદારીઓના દેશ તરીકે વિદેશોમાં વગોવાતું ભારત આજે જાહેર માર્ગો પર રખડતાં ઢોરના લીધે વિશ્વભરમાં વગોવાઈ રહ્યું છે. ગાયને માતાનો દરજ્જો આપી તેના મળ મૂત્રના પૂજા અને સેવન કરનારા ભક્તો ગાયો અને આખલાઓ કેમ રસ્તે રખડતાં થાય છે, શા માટે પ્લાસ્ટિકના ઝબલાં આરોગે છે અને લોકો માટે જીવલેણ બને છે તેનો કોઈ જવાબ કે ઉકેલ આપી શકતા નથી. સોશિયલ મીડિયા પર અવારનવાર જીવલેણ આખલા યુધ્ધ અને ગૌવંશ દ્વારા માણસો પર કરાતાં જીવલેણ હુમલાની ઘટનાઓના વીડિયો ફૂટેજ વાયરલ થાય છે.

આ રીતે રખડતાં ઢોરથી ફફડતાં રહેવાનું છે અને ભોગ બનતાં રહેવાનું છે તે આ દેશની આમજનતાની નિયતિ બની ગઈ છે.