ફરિયાદી હરફુલ મેઘવાળ પોતાના સાળાના લગ્ન નિમિત્તે છેલ્લાં એક માસથી ઘરને તાળું મારી સપરિવાર રાજસ્થાન ગયો હતો. ઉપરના રૂમમાં રહેતા તેના ભાણેજ અને ગેરેજમાં કામ કરતા કર્મચારીએ સવારે ફોન કરીને નીચેના રૂમનું તાળું તૂટેલું હોવાનું જણાવતાં તે સાંજે હાંફળો ફાંફળો ઘરે દોડી આવ્યો હતો.

મકાન માલિકો ઘરમાંથી શું શું ચોરાયું તે અંગે પોલીસને ફરિયાદ વિગતો આપે ત્યારે ચોરીના મુદ્દામાલનો સાચો આંકડો સામે આવશે. બનાવને ગંભીરતાથી લઈ ગાંધીધામ બી ડિવિઝન પીઆઈ એસ.વી. ગોજીયા અને સર્વેલન્સ સ્ટાફે અજાણ્યા તસ્કરોને ટ્રેસ કરી દબોચી લેવા કમર કસી છે.