ACBને લાંબા સમયથી તેમને ખાનગી રાહે રજૂઆતો મળતી હતી કે અલ્પા પટેલ નોંધો પાડવી, વેરા ભરવા વગેરે જેવી પંચાયતને લગતી કામગીરી કરવા પેટે બસ્સો રૂપિયાથી લઈ પાંચ હજાર સુધીના બિન્ધાસ્ત રીતે ઉઘરાણાં કરે છે.

અલ્પાએ તેની પાસે નોંધ પાડવા માટે એક હજારની લાંચ માંગેલી. સરકારી પંચોની હાજરીમાં અલ્પા લાંચ લેતાં પંચાયત કચેરીમાં જ રંગેહાથ પકડાઈ ગઈ હતી. ACB બોર્ડર એકમના મદદનીશ નિયામક કે.એચ.ગોહિલ અને અને રાજકોટસ્થિત નાયબ નિયામક બળદેવસિંહ વાઘેલાના સુપરવિઝન તળે ગાંધીધામસ્થિત પૂર્વ કચ્છ ACB પોલીસ સ્ટેશનના પીઆઈ જે.બી. ચૌધરીએ સફળ કામગીરી કરી છે. ઉલ્લેખનીય છે કે આ અગાઉ ૩૦ જૂલાઈના રોજ ACBએ ભુજ શહેર મામલતદાર કચેરીમાં છટકું ગોઠવીને ૩૫ હજારની લાંચ લેતા રેવન્યૂ તલાટી ચંદુ ગેલાભાઈ હરણને ઝડપી પાડ્યો હતો.