|
કચ્છખબરડૉટકોમ, રાપરઃ રાપર તાલુકાના ભીમાસર ગામે બે એકરના ખેતરમાં કરોડોની કિંમતના અફીણના જંગી વાવેતરનો પર્દાફાશ થયા બાદ પૂર્વ કચ્છ પોલીસ એલર્ટ થઈ ગઈ છે. બાતમીદારો અને ડ્રોનની મદદથી ખેતરોમાં માદક પદાર્થોની ખેતી અંગે સઘન તપાસ કરી રહી છે. સતર્કતા વચ્ચે સામખિયાળી પોલીસે શિકારપુર નજીક જસાપર વાંઢમાં રહેણાક ઓરડીની આસપાસમાં ગાંજાનું વાવેતર ઝડપી પાડ્યું છે. પોલીસે ૯ લાખ ૪૬ હજાર ૨૫૦ રૂપિયાની કિંમતના ૧૮ કિલો ૯૨૫ ગ્રામ વજનના ગાંજાના ૧૬ લીલાં છોડ કબજે કર્યાં છે. નજીકમાં આવેલી વેસ્ટાસ પાવર હાઉસ નામની કંપનીમાં ચોકીદાર તરીકે કામ કરતા રસૂલ અબ્દુલ્લા ટાંક (ઉ.વ. ૪૧, રહે. જસાપર વાંઢ, શિકારપુર મૂળ રહે. માળિયા, મોરબી)એ સાત આઠ માસ અગાઉ પોતાની ઓરડીની આસપાસ ગાંજાના છોડનું વાવેતર કર્યું હતું. રસૂલ સામે NDPS Actની વિવિધ ધારા તળે ગુનો દાખલ કરીને સામખિયાળી પોલીસ સબ ઈન્સ્પેક્ટર કે.જે. વાઢેરે તેની ધરપકડ કરી છે. ઉલ્લેખનીય છે કે, ચાર દિવસ અગાઉ ગાગોદર પોલીસે ઘાણીથર ગામે ગાંજાના વાવેતરનો પર્દાફાશ કર્યો હતો.
Share it on
|
Latest
12256 views
