કારચાલક યુવક પોલીસના ઈશારાને અવગણીને પૂરઝડપે કાર હંકારીને રાધનપુર તરફના રોડ પર નીકળી ગયો હતો.

ફિલ્મી ઢબે કાર ચેઝ બાદ થોડીકવારમાં જ પોલીસે આ ફોરચ્યુનર કારને આંતરી લીધી હતી. કારમાં સવાર શખ્સ હતો ભુજનો નામીચો ૨૬ વર્ષિય યુવક ઓમ ધર્મેન્દ્રભાઈ ડાભી (દરજી) (રહે. નરસિંહ મહેતાનગર, ભુજ). પોલીસે આંતર્યાં બાદ પણ તેણે પોલીસને કારમાં ચેકીંગ કરવા દીધું નહોતું કે ગાડીને લગતાં કોઈ કાગળિયા બતાડ્યાં નહોતાં.

યુવક વિરુધ્ધ જાહેર માર્ગ પર લોકોની જિંદગી ભયમાં મૂકાય તે રીતે બેદરકારીથી પૂરઝડપે વાહન હંકારવા અને પોલીસની રાજ્ય સેવક તરીકેની કાયદેસરની ફરજમાં રૂકાવટ કરવાની કલમો તળે ગુનો નોંધીને અટકાયત કરી પંદર લાખની કારને ડીટેઈન કરી હતી. પીઆઈ વી.કે. ગઢવીએ જણાવ્યું કે અમે આરોપીની ક્રાઈમ હિસ્ટ્રી સહિતની બાબતોની તપાસ હાથ ધરી છે.