ચોપડવા ગામે રહેતો ૪૮ વર્ષિય ફરિયાદી રમેશ માયાભાઈ સિરાચ છૂટક મજૂરી કરે છે. બનાવની રાત્રે તે સ્કુટી લઈને મજૂરી કામેથી ઘરે પરત જતો હતો ત્યારે ભવાની મણકા તેની અલ્ટો કારથી રમેશની સાઈડ કાપી હતી.

આગળ જતાં ભવાનીએ તેની ગાડીની સ્પીડ ધીમી કરી દીધેલી. ફરિયાદી સ્કુટી વડે ગાડીની આગળ નીકળી ગયેલો. ત્યારબાદ ભવાનીએ પૂરઝડપે કાર હંકારીને તેની સ્કુટીને પાછળથી જોરદાર ટક્કર મારેલી. ટક્કરના લીધે ફરિયાદી વાહન સમેત નીચે પડી ગયેલો અને કાર સાથે થોડેક સુધી ઢસડાયો હતો.

આરોપી ગામનો ભાણેજ થાય છે. ટક્કર બાદ લોકોનું ટોળું એકઠું થતાં આરોપી નાસી ગયેલો. ફરિયાદીને પ્રથમ ભચાઉ અને ત્યારબાદ ગાંધીધામની ખાનગી હોસ્પિટલમાં સારવાર માટે દાખલ કરાયો હતો. હુમલામાં તેને જમણી સાથળ અને કમરમાં ફ્રેક્ચર સહિતની ઈજાઓ પહોંચી છે.