તે સમયે બે યુવકો એક્ટિવા પરથી ફાટક ક્રોસ કરવાનો પ્રયાસ કરી રહ્યાં હતાં. ફરિયાદીએ તેમને જલદી જલદી ફાટક ક્રોસ કરી લેવા જણાવ્યું હતું. ફરિયાદીની વાત સાંભળીને બેઉ જણ અચાનક રોષે ભરાયાં હતાં. માલગાડી પસાર થયાં બાદ બેઉ જણ ફરિયાદી પાસે આવ્યાં હતાં. તે સમયે તેમનો ત્રીજો સાગરીત પણ આવી ચઢ્યો હતો.

ફરિયાદીએ તેના મોબાઈલ ફોનમાં આરોપીઓનો વીડિયો રેકોર્ડ કરી લીધો હતો. જેના આધારે પોલીસે GJ-12 DN-8495 નંબરની એક્ટિવા પર આવેલા બે શખ્સ અને ત્રીજા સાગરીત સામે સરકારી કર્મચારીની ફરજમાં રૂકાવટ, મારામારીની કલમો હેઠળ ગુનો નોંધ્યો છે. ઉલ્લેખનીય છે કે, ગત ૨૫ ફેબ્રુઆરીની રાત્રે આદિપુરમાં આવા જ કારણોસર રેલવે ફાટકમેનને અજાણી ત્રિપુટીએ માર માર્યો હતો.