૨૫-૧૦-૨૦૨૧ના રોજ ગુજરાત ATSએ ગાંધીધામ બીએસએફ હેડ ક્વાર્ટરમાં ફરજ પર તૈનાત મોહમ્મદ સજ્જાદ S/o મોહમ્મદ ઈમ્તિયાઝની પાકિસ્તાન માટે જાસૂસીના આરોપસર ધરપકડ કરેલી. કાશ્મિરના રાજૌરીના વતની સજ્જાદ ૨૦૧૨થી પાકિસ્તાની જાસૂસી સંસ્થા ISI માટે જાસૂસી કરતો હોવાનું, વોટસએપથી ભારતને લગતી અતિગુપ્ત માહિતીઓ મોકલીને નાણાંકીય લાભ મેળવ્યો હોવાનું તહોમત મૂકાયું હતું.

પોતાના નાના ભાઈના આગામી ૯ જૂનથી ૧૧ જૂન દરમિયાન નિકાહ થવાના હોઈ મોટાભાઈ તરીકે લગ્નપ્રસંગે પોતાની હાજરી જરૂરી હોવાનું કારણ રજૂ કરીને સજ્જાદે પોતાના ૩૦ દિવસના ઈન્ટરીમ બેઈલ મંજૂર કરવા રજૂઆત કરી હતી. અગાઉ હાઈકૉર્ટે પોતાના ઈન્ટરીમ બેઈલ મંજૂર કરેલાં અને મુદ્દત પૂરી થયે સમયસર જેલમાં હાજર થઈ ગયેલો તેવી સજ્જાદ વતી વકીલે રજૂઆત કરી હતી.