અહીં રહેતો પ્રેમજી ઊર્ફે પ્રવિણ ગેલા મકવાણા (કોલી) શેઠનું ટેન્કર લઈને નીકળેલો. તે સમયે રસ્તામાં જશવંત વીરાભાઈ કોલીની બોલેરો કેમ્પર ગાડી પડેલી. બોલેરોને બચાવવા જતાં ટેન્કર પલટી મારી ગયેલું. તે સમયે પ્રવિણે ઉશ્કેરાઈને જશવંતને માર માર્યો હતો. બનાવ બાદ બેઉ પક્ષ વચ્ચે સમાધાન થઈ ગયેલું પરંતુ પ્રવિણ ગામમાં બધાને પોતે જશવંતને સરખો કૂટ્યો હોવાનું કહેતો ફરતો હોવાનું ધ્યાને આવતા જશવંતનો મિજાજ ગયો હતો.

પ્રવિણે જશવંતને માથામાં ધારિયું મારી દેતાં તે ઢળી પડ્યો હતો. પ્રવિણ સાથે આવેલા તેના મોટા ભાઈ લાલજી અને પ્રવિણના અજાણ્યા મિત્રએ લાકડીઓ વડે જશવંતના ભાઈ મહેન્દ્ર કોલી અને મહેન્દ્રના પુત્ર જીતેન્દ્રને પણ લાકડીઓ ધારિયાથી ઈજા પહોંચી હતી.

ઉશ્કેરાયેલાં પ્રવિણે ટ્રેલર ચાલું કરીને જશવંત પર ચડાવી દેતાં તેના બેઉ પગ કચડાઈ ગયાં હતા. હાલ તે બેહોશ અને ગંભીર હાલતમાં રાજકોટની ખાનગી હોસ્પિટલમાં સારવાર હેઠળ છે. સામા પક્ષે, પ્રવિણના પિતાએ જશવંત, તેના ભાઈ મહેન્દ્ર અને જીતેન્દ્રએ પોતાના પુત્ર પ્રવિણ, લાલજી અને પ્રવિણના મિત્ર પર લાકડીઓ વડે હુમલો કરી પ્રવિણને ફ્રેક્ચર સહિતની ઈજા પહોંચાડી હોવાની ફરિયાદ નોંધાવી છે.