ફરિયાદી યાકુબ ગાંધીધામમાં ઈનાયત કાર્ગો કેરિયર નામથી પેઢી ધરાવે છે અને કાર્ગો હેન્ડલિંગ તથા સ્ટીવડૉરીંગનું કામ કરે છે. ૨૦૧૭ ઈમરાન સાથે તેનો પરિચય અને મિત્રતા થયેલી. ઈમરાન પણ કાંકરીના હેન્ડલિંગ તથા સ્ટીવડૉરીંગનું કામ કરતો. બેઉ વચ્ચે ધંધાકીય સંબંધો બંધાયેલાં.

બાકી રકમ મેળવવા માટે ફરિયાદી અવારનવાર રૂબરૂ ઈમરાનની ઑફિસે ગયેલો અને ફોન કરેલા પરંતુ ઈમરાન ઠાલાં વાયદા આપતો રહ્યો હતો. ત્યારબાદ એક દિવસ ઈમરાને ફરિયાદીને ધમકી આપેલી કે ‘મારા પિતા મુંદરામાં નામચીન છે અને મોટી રાજકીય વગ ધરાવે છે. પોલીસ અમારું કંઈ કરી નહીં શકે’ થોડાં સમય બાદ ઈમરાને ગાંધીધામમાં ફરિયાદીની ઑફિસે રૂબરૂ આવીને તેને ધમકાવેલો કે ‘તું અમારી મુંદરાની ઑફિસે આવીને મારી આબરુ લે છે. તારા રૂપિયા ભૂલી જા નહીંતર તને જાનથી મારી નાખીશ’