જગદીશે નરેશને રોજના પાંચ ટકા વ્યાજ એટલે કે રોજના ૨૦ હજાર રૂપિયા (મહિને દોઢસો ટકા વ્યાજ) ચૂકવવાની શરતે એડવાન્સમાં ૨૦ હજાર રૂપિયા વ્યાજ કાપીને ૩.૮૦ લાખ ચૂકવ્યાં હતા. રૂપિયા સામે નરેશની અર્ટિગા કાર ગીરવે રાખી લીધી હતી.

૧૫મી ઑગસ્ટની બપોરે બે વાગ્યે ફરિયાદી નરેશ તેના મિત્રને મળવા માટે શિણાય ગામના બસ સ્ટેશન ચોક વિસ્તારમાં ગયો ત્યાં મનીષ સોરઠીયા, મુન્નાભાઈ, પાવલી સોરઠીયા અને યોગેશ રમણિક સોરઠીયા (રહે. તમામ અંજાર) તેને ભટકાઈ ગયાં હતા. આરોપીઓએ તું વ્યાજના રૂપિયા કેમ આપતો નથી કહીને નરેશ જોડે બબાલ કરેલી.

જાહેરમાં મારામારી થતી જોઈ ફરિયાદીના મિત્ર અને લોકોનું ટોળું એકઠું થઈ જતાં ચારે વ્યાજખોરો જ્યાં મળીશ ત્યાં મારી નાખશું તેવી ધમકી આપીને જતા રહ્યા હતા.

બનાવ અંગે પોલીસે ગુનો દાખલ કરીને આરોપીઓને ઝડપી પાડીને જે સ્થળે નરેશને મારેલો ત્યાં બનાવનું રિકન્સ્ટ્રક્શન કરાવવાનું આયોજન કર્યું હોવાનું સૂત્રોમાંથી જાણવા મળ્યું છે.