વિક્રમ જોડે પંચમહાલના હાલોલનો સંજય નાનજી નાયક નામનો આદિવાસી યુવક પણ આ જ વાડીમાં ખેત મજૂરી કરતો હતો. બેઉ વાડીએ એકલાં રહેતા હતા પરંતુ તેમની વચ્ચે મનમેળ નહોતો.

રવિવારે સવારે વાડીમાં ઈજાગ્રસ્ત હાલતમાં પડેલો વિક્રમનો મૃતદેહ મળી આવ્યો હતો. સાથી મજૂર સંજય ગુમ થઈ ગયો હતો. વિક્રમને તીક્ષ્ણ હથિયારથી શરીરના વિવિધ ભાગે ઈજાઓ થયેલી હતી. પાંસળી અને જડબામાં ફ્રેક્ચર પણ થયાં હોવાનું પોસ્ટમોર્ટમ રિપોર્ટમાં સ્પષ્ટ થયું હતું.

ગઢશીશાના ઈન્ચાર્જ પોલીસ ઈન્સ્પેક્ટર આર.બી. ટાપરીયાએ હત્યાની કલમ તળે ગુનો નોંધી ફરાર સંજય નાયકને ઝડપી લેવા તપાસ શરૂ કરી છે.