સૂત્રોના દાવા મુજબ નશામાં ચુર યુવકે એક મોટર સાયકલ અને બાદમાં સામેથી આવતી કારને ટક્કર મારી હતી. વીડિયોમાં દારૂ ભરેલો ગ્લાસ અને રોડ પર તૂટેલી દારૂની બાટલી જોવા મળી રહી છે.

નશામાં ચકચુર યુવકે કાર સ્ટાર્ટ કરી ત્યાંથી નીકળવાનો પ્રયાસ કરતાં હાજર લોકોએ તેને ઠમઠોર્યો હોવાનું પણ વીડિયોમાં દેખાય છે. બનાવ અંગે માનકૂવાના ઈન્ચાર્જ પીઆઈ પી.પી. ગોહિલે જણાવ્યું કે સાંજે સાડા સાતના અરસામાં કોઈ જાગૃત નાગરિકે ફોન પર બનાવ અંગે જાણકારી આપતાં એક ટીમ મોકલી આપી છે. દારૂ પીને અકસ્માત સર્જનાર યુવકને ઝડપીને પોલીસ તેનું તબીબી પરીક્ષણ કરાવવા માટે હોસ્પિટલમાં લઈ ગઈ છે. દુર્ઘટના કેવી રીતે ઘટી હતી અને કોને ઈજા થયેલી તે અંગે વધુ વિગતો મેળવાઈ રહી છે.

NEWS UPDATE @ 23:55

દારૂમાં ચુર થઈ એક્સિડેન્ટ કરનાર નીતિન કાનજી ફફલની અટક

નીતિન ગાંધીધામના ફફલ અટકધારી વકીલ પરિવારનો નબીરો

ભુજથી માંડવીના રાજપર તરફ જતા પરિવારની કારને ટક્કર મારી

નશાની હાલતમાં કારનો કાબૂ ગુમાવી રોંગસાઈડમાં જઈ ગાડી ટકરાવી

અકસ્માતમાં ૬ લોકોને નાની મોટી ઈજા, ભુજ લેવા પટેલ હોસ્પિટલમાં સારવાર હેઠળ

ઘાયલોના નામઃ
નીતિન પટેલ (ઉ.વ. ૬૩, રહે. રાજપર, માંડવી)

કિશોર ધોળુ  (ઉ.વ. ૬૦, રહે. લુડવા)

સેજલ ગોગરી (ઉ.વ. ૩૬, રહે. ભુજ)

મીનાબેન પટેલ (ઉ.વ. ૫૧, રહે. રાજપર)

અંકિતા પટેલ (ઉ.વ. ૨૯, રહે. રાજપર)

ધૃતિ પટેલ (ઉ.વ. ૦૬, રહે. રાજપર)