click here to go to advertiser's link
Visitors :  
14-Jun-2024, Friday
Home -> Gandhidham -> Man kills wife after fight over illicit relationship in Adipur
Monday, 10-Jun-2024 - Aadipur 12023 views
આદિપુરમાં આડા સંબંધના ઝઘડામાં પતિએ છરીના ઘા ઝીંકી યુવાન પત્નીની હત્યા કરી
કચ્છખબરડૉટકોમ, આદિપુરઃ આદિપુરમાં પત્નીના પરપુરુષ સાથે આડા સંબંધ હોવાના વહેમ-ઝઘડામાં પતિએ છરીના આડેધડ ઘા ઝીંકી પત્નીની ઘાતકી હત્યા કરી નાખી હોવાનો બનાવ બહાર આવ્યો છે. આદિપુરના બેવાળી વિસ્તારમાં આજે સવારે ૧૧ના અરસામાં પતિએ પત્નીની હત્યા કરી નાખી હતી. ઘટના અંગે જાણ થતાં પોલીસે સ્થળ પર દોડી જઈ પતિને દબોચી લઈ વિધિવત્ ફરિયાદ નોંધવા તજવીજ હાથ ધરી છે.

આદિપુરના ઈન્ચાર્જ પીએસઆઈ વી.જે. પ્રજાપતિએ બનાવની પ્રાથમિક વિગતો આપતાં જણાવ્યું કે મરણ જનાર ૨૩ વર્ષિય ભાવના વાણિયા અને હત્યારા હરેશ મહેશ્વરીએ ત્રણેક વર્ષ પૂર્વે એકમેક સાથે આંખો મળી જતાં પ્રેમલગ્ન કર્યાં હતાં. બંનેનું લગ્નજીવન સુખરૂપ ચાલતું હતું પરંતુ થોડાંક દિવસોથી પત્નીના પરપુરુષ સાથે આડા સંબંધો હોવાના વહેમમાં યુગલ વચ્ચે ગંભીર ખટરાગ સર્જાયો હતો. આ મામલે આજે સવારે યુગલ વચ્ચે ફરી ઝઘડો થયો હતો જેમાં ઉશ્કેરાઈને હરેશે ભાવનાના પેટ, હાથ અને મોંઢા પર છરી વડે આડેધડ ઘા ઝીંકી તેની હત્યા કરી નાખી છે. પોલીસે હરેશને દબોચી લીધો છે અને તેની વિરુધ્ધ ફરિયાદ નોંધવા તજવીજ ચાલી રહી છે.

Share it on
   

Recent News  
ભુજમાં ઝડપાયેલી આયુ. સિરપ બિયર કરતાં ડબલ સ્ટ્રોંગ નીકળીઃ ઘાતક કેમિકલની મળી હાજરી
 
મુંદરામાં બે યુવકે મહિલાની છેડતી કરતાં લોકોનો હિંસક હુમલોઃ સામસામી ફરિયાદ
 
ભુજના ASIની રાજસ્થાનમાં અજાણ્યા લોકોએ હત્યા કરી હોવાનો પરિવારનો આરોપ