મૂળ ભુજ તાલુકાના ધરમપુર ગામની ૨૧ વર્ષની નિશા (નામ બદલેલું છે) ગાંધીધામની હોસ્ટેલમાં રહીને ગાંધીધામના ગુરુકુળ વિસ્તારની ખાનગી હોસ્પિટલમાં નોકરી કરે છે. ૬ માસ અગાઉ તેની સગાઈ મૂળ અંજારના ચાંદ્રાણી ગામના વતની અને હાલ ભુજની ઓધવ સોસાયટીમાં રહેતા રાકેશ ગોપાલભાઈ વાણિયા સાથે થયેલી.

સગાઈ ફોક થયાં બાદ પણ રાકેશ જુદાં જુદાં મોબાઈલ નંબરો પરથી ફોન કરીને નિશા સાથે સતત વાત કરવા પ્રયાસો કરતો રહેતો. અચાનક ગઈકાલે રવિવારે સવારે નવ વાગ્યે નિશા હોસ્પિટલમાં નોકરી પર હતી ત્યારે રાકેશ, તેની માતા વાસુબેન અને મિત્ર ઋષભે હોસ્પિટલમાં આવીને ‘તું કેમ અમારા ફોન ઉપાડતી નથી? કેમ રીપ્લાય આપતી નથી?’ કહીને હોસ્પિટલમાં બોલાચાલી શરૂ કરેલી. ત્રણે જણ ધરાર હોસ્પિટલમાં જ બેસી રહેલાં. નિશા બપોરે સાડા બાર વાગ્યે એક્સેસ લઈ હોસ્ટેલ જવા નીકળી ત્યારે રાકેશે આવીને તેને આંતરેલી.

કાર ઋષભ હંકારતો હતો. ઋષભે કાર ભચાઉ તરફ હંકારેલી અને રસ્તામાં રાકેશે આગલી સીટ પરથી પાછલી સીટ પર આવીને નિશા સાથે શારીરિક અડપલાં કરેલાં. રાકેશે ગાળો બોલીને ‘મારી સાથે લગ્ન કરી લે નહીંતર તને ભગાડીને લઈ જઈ મારી નાખીશ’ તેવી ધમકી આપેલી.

આરોપીઓએ ત્યાંથી ગાડીને નાડાપાથી હબાય તરફ લીધેલી. રસ્તામાં રાકેશે નિશાને કહેલું કે ‘તું તારા માતા પિતાને સમજાવીને મારી જોડે લગ્ન કરી લે તો હું તને અત્યારે જવા દઈશ’ આરોપીઓની ચુંગાલમાંથી છૂટવા માટે ડરના માર્યાં નિશાએ હા પાડતાં આરોપીઓ તેને તેના ગામ નજીક શ્રવણ કાવડિયા પાસે ઉતારીને નાસી ગયેલાં. પોલીસે ગુનો નોંધી તપાસ હાથ ધરી છે.