અહીં રહેતો નવીન ધરમશી માલી નામનો શખ્સ આ સિલિન્ડરનું ગેરકાયદે વેચાણ અને સંગ્રહ કરતો હતો.

આ બનાવ સબબ ગેસ એજન્સીને સ્ટોક રજિસ્ટર, સિલિન્ડરના ખરીદ વેચાણના હિસાબો સહિતના આધાર પૂરાવા રજૂ કરવા શૉ કૉઝ નોટિસ પાઠવાયેલી પરંતુ એજન્સીએ તે આધારો રજૂ કર્યાં નહોતા. ગેસના ગોડાઉનમાં ફાયર સેફ્ટીના કોઈ સાધનો લગાડાયેલાં નહોતાં. એટલું જ નહીં, ગેસ સિલિન્ડરના સંગ્રહ માટે લેવા પડતા ફાયર સેફ્ટી અને એક્સપ્લોઝીવ લાયસન્સ કે એનઓસી પણ લેવાઈ નહોતી.

જેના પગલે ગાંધીધામની એજન્સીની મહિલા ભાગીદાર કાશ્મીરાબેન નવનીત આચાર્ય, એજન્સીના મેનેજર રશેષ નવનીત આચાર્ય અને કરાર અંતર્ગત ગેરકાયદે ગેસ સિલિન્ડર્સનું વેચાણ સંગ્રહ કરતા નવીન ધરમશીભાઈ માલી સામે રાપર મામલતદારે એલપીજી (સપ્લાય એન્ડ ડિસ્ટ્રીબ્યુશન રેગ્યુલેશન્સ) ઓર્ડર, ગેસ સિલિન્ડર રૂલ્સ, એક્સપ્લોઝીવ એક્ટ, એસેન્સિયલ કૉમોડિટી એક્ટની વિવિધ જોગવાઈઓ તળે ફોજદારી ફરિયાદ નોંધાવી છે.