સાંજે સાડા પાંચના અરસામાં ભદ્રેશ્વર નદીના પુલ પર એક જેસીબી અને સાદી રેતી ભરેલું ડમ્પર જોવા મળતાં તેમની ટીમ ચેકિંગ કરવા નદીના પટમાં ગયેલી.

જો કે, જેસીબી રેતીમાં ફસાઈ જતા તેમાં સવાર ડ્રાઈવર અને અન્ય એક શખ્સ જેસીબીને ત્યાં જ મૂકીને નાસી ગયેલાં. ખનિજ ખાતાના કર્મચારીઓએ સ્થળ પર તપાસ કરી રહ્યા હતા ત્યાં સહદેવસિંહ વિક્રમસિંહ જાડેજા નામનો શખ્સ ત્યાં આવ્યો હતો. ‘અમે પંચાયતનું કામ કરીએ છીએ’ કહીને સહદેવે ગાળાગાળી કરી ફોન કરીને તેના મળતિયાઓને સ્થળ પર બોલાવ્યાં હતા. ખનિજ તંત્રએ મુંદરા મરીન પોલીસને જાણ કરતાં પોલીસ ઘટનાસ્થળે પહોંચી આવી હતી.

બનાવ અંગે રોયલ્ટી ઈન્સ્પેક્ટર હાર્દિક પટેલે સહદેવ અને તેના ત્રણ અજાણ્યા મળતિયા સામે ફરજમાં રૂકાવટ સહિતની કલમો તળે ફરિયાદ નોંધાવી છે.

ભુજની ભાગોળે હરીપર ગામમાં ખેડૂત પરિવારે પડોશી ખેડૂતના વીજ જોડાણ માટે પોતાના ખેતરમાંથી વીજ લાઈન પસાર કરવા ના દઈને બબાલ કરતાં વીજ તંત્રના નાયબ ઇજનેરે ચાર લોકો સામે ફરજમાં રૂકાવટની ફરિયાદ નોંધાવી છે. હરીપરની સીમમાં ખેતર ધરાવતા કલ્યાણભાઈ વેલજીભાઈ હિરાણીએ પોતાના ખેતરમાં વીજ જોડાણ માટે અરજી કરેલી.

આ મુદ્દે અરજદારે મુખ્યમંત્રી ઓનલાઈન ફરિયાદ નિવારણ કાર્યક્રમ ‘સ્વાગત’માં રજૂઆત કરતાં કલેક્ટરના હુકમ અન્વયે આજે વીજ તંત્રની ટીમ પોલીસ બંદોબસ્ત સાથે વીજ જોડાણ આપવા ગયેલી.

આરોપીઓએ એકસંપ થઈને કાયદેસરની ફરજમાં રૂકાવટ કરી હોવાની ભુજ રુરલ સબ ડિવિઝનના નાયબ ઇજનેર વી.કે. સુવેરાએ ભુજ બી ડિવિઝન પોલીસ મથકે ફરિયાદ નોંધાવી છે.