ગત ૧૬મી સપ્ટેમ્બરે LCBએ ગળપાદરમાં કટિંગ ટાણે ત્રાટકીને ૬૦.૬૪ લાખનો શરાબ ઝડપ્યો હતો. આજે પડાણાની સીમમાં વિશાલ ધરમશી મ્યાત્રા (રહે. ગળપાદર, ગાંધીધામ) અને મુકેશ ખીમજીભાઈ હુંબલ (રહે. પડાણા)એ ભેગાં મળીને ટેન્કરમાં દારૂ મગાવ્યો હોવાનું અને હાલ તેનું અન્ય વાહનોમાં કટિંગ થઈ રહ્યું હોવાની બાતમીના આધારે LCB ત્રાટકી હતી. પોલીસને જોઈ સ્થળ પર હાજર શખ્સો ફરાર થઈ ગયા હતા.

સ્થળ પર પડેલા ટેન્કર અને સ્કોર્પિયોમાંથી LCBએ ૨૪.૬૪ લાખની કિંમતના વિવિધ બ્રાન્ડના શરાબ અને બિયરની બાટલીઓ ટીન જપ્ત કર્યાં હતા. ટેન્કરમાંથી મળેલી આરસી બૂક મુજબ ટેન્કર મુકેશ ખીમજી હુંબલની માલિકીનું અને સ્કોર્પિયો કાર વિવેક ધરમશી મ્યાત્રા (રહે. નાગેશ્વર સોસાયટી, ગળપાદર)ની માલિકીનું હોવાનું સ્પષ્ટ થયું છે.

LCBએ શરાબ ઉપરાંત ૨૦ લાખના ટેન્કર અને ૧૫ લાખની કાર મળી કુલ ૫૯.૬૪ લાખનો મુદ્દામાલ કબજે કરી વિશાલ મ્યાત્રા, મુકેશ હુંબલ, બંને વાહનોના ચાલકો, દારૂ મોકલનાર શખ્સ વિરુધ્ધ ગાંધીધામ બી ડિવિઝન પોલીસ મથકમાં પ્રોહિબિશનની વિવિધ કલમો તળે ફરિયાદ નોંધાવી છે.

વિશાલ પ્રોહિબિશનના ત્રણ ગુના તેમજ મારામારી સહિતના કુલ સાત ગુનાઓમાં અગાઉ પોલીસ ચોપડે ચિતરાયેલો છે તો મુકેશ પર પણ ગાંધીધામમાં પ્રોહિબિશનના બે ગુનાની હિસ્ટ્રી છે. દરોડાની કામગીરીમાં LCB પીઆઈ એન.એન. ચુડાસમા અને પીએસઆઈ ડી.જી. પટેલ સહિતનો સ્ટાફ જોડાયો હતો.