બાતમીના આધારે LCBની ટીમે શાંતિધામમાં ભાડે રહેતા નિર્મલસિંઘ સોહનસિંઘ મજબી (શીખ) (ઉ.વ. ૪૩, મૂળ રહે. તરનતારન, પંજાબ)ને ઝડપી પાડ્યો છે.

ઘરની જડતી દરમિયાન પોલીસે પૂછપરછ કરતાં નિર્મલે સોફાના ગાદલા નીચે ‘ચિટ્ટા’ છૂપાવ્યું હોવાનું કબૂલ્યું હતું. પંજાબી ભાષામાં સફેદ રંગને ચિટ્ટા કહેવાય છે. પંજાબમાં વર્ષોથી ડ્રગ્ઝની બદી ફેલાયેલી છે અને હેરોઈન, કોકેઈન, મોર્ફિન વગેરે જેવા માદક દ્રવ્યોનો રંગ પણ આછી પીળાશ સાથેના સફેદ રંગનો હોઈ બંધાણીઓમાં તે ચિટ્ટા તરીકે પ્રચલિત છે.

પ્રાથમિક પૂછપરછમાં નિર્મલસિંઘે ડ્રગ્ઝનો જથ્થો તેના વતનના ગામ નજીક રહેતા અંગ્રેજસિંઘ જસ્સાસિંઘ મજબી (શીખ) પાસેથી મેળવ્યો હોવાનું કબૂલ્યું છે. ઉલ્લેખનીય છે કે, અગાઉ પણ પૂર્વ અને પશ્ચિમ કચ્છમાં હાઈવે હોટેલો સહિત આ રીતે પંજાબીઓ દ્વારા ચાલતાં માદક દ્રવ્યોના વેચાણ અને હેરફેરના અનેક ગુના પોલીસ ચોપડે નોંધાઈ ચૂકેલાં છે. આરોપીની અંગજડતી લેતા તેની પાસેથી એક રેલવે ટિકિટ, ૧૦૫૦૦ના બે મોબાઈલ ફોન, ૪૩૪૫ રોકડાં રૂપિયા, આધાર કાર્ડ વગેરે મળી આવ્યા છે.

પીઆઈ એન.એન.ચુડાસમા અને પીએસઆઈ ડી.જી. પટેલ સહિતની ટીમે આ સફળ કામગીરી કરી હતી.