સામખિયાળીના શાંતિધામ વિસ્તારમાં રહેતો ૩૨ વર્ષિય ફરિયાદી નરેશભાઈ અજાભાઈ ચૌહાણ રેવન્યૂ એડવોકેટ તરીકે પ્રેક્ટિસ કરે છે. ચાર ભાઈના સંયુક્ત પરિવારમાં રહેતા ફરિયાદીએ જણાવ્યું કે ઘરમાં આવેલા લાકડાના કબાટમાં તેની પત્ની, ભાભી અને સદગત માતાના સોના ચાંદીના ઘરેણાં રહે છે. કબાટની ચાવી તેની પત્ની પાસે રહે છે.

કોઈએ કબાટનું તાળું તોડીને ચોરી કરવા પ્રયાસ કર્યો હોવાનું જણાતું ના હોઈ ચોરી કરનાર જાણભેદુ હોવાની શંકાથી પરિવારે બે મહિના સુધી ચોરને શોધવા પોતાની મેળે તપાસ કરી પરંતુ કોઈ કડી મળી નથી. સામખિયાળી પોલીસે ગુનો નોંધીને તપાસ હાથ ધરી છે.