હિંસક ગેંગવૉરમાં ચાર લોકોને ઈજા પહોંચી છે, જેમાંથી દિનેશ કોલી નામના એક યુવકના માથામાં ગોળી વાગતાં ગંભીર હાલતમાં તેને રાજકોટ ખાતે સારવાર માટે ખસેડાયો છે. અન્ય ત્રણ લોકોને સામખિયાળી સહિતની સ્થાનિક હોસ્પિટલમાં સારવાર અપાઈ રહી છે.

ગત વર્ષે ફેબ્રુઆરી માસમાં કાનમેર નજીક આ જ કારણોસર હિંસક અથડામણ સર્જાઈ હતી. મોટાભાગના આરોપીઓ પણ તેમાંના જ છે. વન વિભાગ હસ્તકની જમીન પર મીઠું પકવવા ચાલી રહેલી હિંસક અથડામણ પાછળ ગાંધીધામ બાજુ રહેતાં યુવા રાજકીય નેતાનું પ્રોત્સાહન હોવાની ચર્ચા છે. જેથી જે વૈભવી કારના કાફલા લઈને માફિયાઓ આવે છે તેવી વિવિધ કાર પકડવામાં આવતી નથી અથવા તેમાં ઊંડા ઉતરી તપાસ કરાતી નથી.

જેનું કામ આ બધુ જોવાનું છે તે ખાતું જ આવો ફાલતું ‘હર્ષ’ માની લેતું હોઈ કચ્છના મોટા રણમાં મીઠા માટે ભાડાપટ્ટે જમીનો મેળવવાથી લઈ નાના રણમાં વન વિભાગની જમીનો પચાવવા માટે પર આ પ્રકારની હિંસક ગેંગવોર અવારનવાર થતી રહે છે.