બ્રાન્ચ મેનેજર કમલેશ લંબોદરે પોલીસ ફરિયાદમાં જણાવ્યું કે તેમની શાખાની પ્રિમાઈસીસમાં ઑટોમેટેડ ડિપોઝીટ કમ વિડ્રૉઅલ મશિન (ADWM) રાખેલું છે. ૧૯ સપ્ટેમ્બરના રોજ રીજનલ કચેરીએ ADWM મશિનની કૅશના હિસાબમાં ૪.૬૯ લાખ રૂપિયા ઓછાં હોવાની જાણ કરેલી.

ત્યારબાદ મશિન પાસે રહેલા સીસીટીવી કેમેરાના ફૂટેજ ચેક કરતાં આ દિવસો દરમિયાન ૩૦થી ૩૫ વર્ષના ત્રણ યુવકો આ ટ્રાન્ઝેક્શન કર્યાં હોવાનું સ્પષ્ટ થયેલું.

આ ત્રિપુટી ૧૧, ૧૨ અને ૧૩ સપ્ટેમ્બરે બેન્કના આ મશિન પર રોજ બે-ત્રણ વખત ટ્રાન્ઝેક્શન કરીને થોડાં થોડાં રૂપિયા ઉપાડેલાં અને ૧૪ સપ્ટેમ્બરે એકસાથે ૪૦ વખત ટ્રાન્ઝેક્શન કરીને ૩.૯૯ લાખ રૂપિયા ઉપાડી લીધા હતા. મશિનના ડેટા કેબલ સાથે ચેડાં કરીને ઉપાડવામાં આવતા નાણાં ખાતામાં ડેબિટ ના દેખાય તે રીતે ઉપાડી લેવાયા હતા. ઘટના અંગે ગાંધીધામ એ ડિવિઝન પોલીસે ગુનો નોંધીને તપાસ હાથ ધરી છે.