ઠગાઈની શરૂઆત આજથી આઠ વર્ષ અગાઉ થયેલી. આઠ વર્ષ અગાઉ નવાઝ હુસેન ગાંધીધામમાં ફરિયાદીની ઑફિસે આવીને રૂબરૂ મળેલો. તે સમયે તેણે કહેલું કે સાઉદી અરેબિયાના કતારમાં તેણે તેના ભાઈ ઈમરાન સાથે મળીને બ્રાસ સ્ક્રેપનો બિઝનેસ શરૂ કર્યો છે. તેમાં મોટો નફો થાય છે. તમે પણ બ્રાસ સ્ક્રેપને ઈમ્પોર્ટ કરી ધંધો કરો ઘણો લાભ થાય છે. નવાઝે ફરિયાદીને મિત્રતાના નાતે કતાર આવવા આમંત્રણ પણ આપેલું.

ત્યારબાદ આરોપીઓના આગ્રહવશ એકવાર તેણે બ્રાસ સ્ક્રેપના ચાર કન્ટેઈનર ઈન્ડિયા ઈમ્પોર્ટ કરેલાં. જો કે, તેમાં તેને ખાસ નફો થયો નહોતો.

ફરિયાદીએ તેમને નાણાં આપેલા તેમાંથી હવે હાલ જરૂર નથી કહીને પચાસ લાખ પાછાં આપેલાં. ત્યારબાદ વધુ એકવાર ૨૬ લાખ મેળવેલાં. આ રીતે, આરોપીઓએ ટુકડે ટુકડે ફરિયાદી પાસેથી દોઢ કરોડ રૂપિયા મેળવેલાં. ફરિયાદીએ માલ કે નફો આપવાનું તો કોરાણે રહ્યું, મૂડીપેટે રોકેલાં દોઢ કરોડ રૂપિયા પરત આપવા રજૂઆત કરતાં આરોપીઓ સતત બહાના કરતાં રહેલાં. છેલ્લે રૂપિયા પરત કરવાનો સ્પષ્ટ ઈન્કાર કરી દેવાતાં અંતે બેઉ સામે ફરિયાદ નોંધાવી છે.