પ્રતિબંધ અમલી બન્યાં બાદ પોલીસે આવા ગોગો પેપર વેચનારાં લોકો પર તવાઈ ઉતારવાનું શરૂ કર્યું છે. 

દુકાનદાર કમલેશ ગોવિંદભાઈ હાલાણી (ઠક્કર) વિરુધ્ધ કાયદેસર કાર્યવાહી હાથ ધરી છે.

ગાંધીધામ બી ડિવિઝન પોલીસે શહેરના સપનાનગર અને ગણેશનગરમાં આવેલી કરિયાણાની બે દુકાનો તથા કચ્છ આર્કેડમાં આવેલી ચાની દુકાનમાંથી ૬૬૬ નંગ ગોગો પેપર અને રોલ જપ્ત કર્યાં છે. પીઆઈ એસ.વી. ગોજીયાના માર્ગદર્શનમાં પોલીસે ભવાનભાઈ કરમશી બારવડીયા (પટેલ) (રહે. સપનાનગર)ની દુકાનમાંથી ૪૪૦૦ની કિંમતના ૪૪૦ નંગ ગોગો પેપર અને રોલ, ગણેશનગરમાં પ્રદીપ રત્નાકરભાઈ પ્રધાનની દુકાનમાંથી ૯૫૦ની કિંમતના ૯૫ નંગ ગોગો પેપર અને રોલ તથા કચ્છ આર્કેડમાં મોહનસિંહ ગણેશસિંહ રાવતની ચાની દુકાનમાંથી ૧૩૧૦ રૂપિયાની કિંમતના ૧3૧ નંગ ગોગો પેપર અને રોલ જપ્ત કરી ત્રણે વિરુધ્ધ જાહેરનામા ભંગ મુજબ ગુનો દાખલ કર્યો છે.

પીઆઈ એમ.ડી. ચૌધરીએ જણાવ્યું કે આવા પેપરમાં ટાઈટેનિયમ ઑક્સાઈડ, પોટેશિયમ નાઈટ્રેટ, આર્ટિફિશિયલ ડાઈસ કેલ્સિય કાર્બોનેટ, ક્લોરનિ બીચ જેવા ઝેરી રાસાયણિક તત્વો હોય છે, જે માનવ સ્વાસ્થ્ય માટે ખૂબ હાનિકારક હોય છે. આગામી દિવસોમાં પોલીસ આવા પેપર વેચતાં લોકો સામે કડક કાર્યવાહી જારી રાખશે.