૪થી જૂલાઈના રોજ પોલીસને બાતમી મળેલી કે શાંતિલાલ ગોડાઉન પાસે આવેલા નાળાના પાણીમાં એક કોથળો પડ્યો છે અને તેમાં કોઈની લાશ છે. પોલીસે સ્થળ પર દોડી જઈને કોથળો બહાર કાઢી ખોલતાં તેમાંથી ફૂલી ગયેલી અને વિકૃત થઈ ગયેલી અજાણ્યા યુવકની લાશ મળી આવેલી. મૃતદેહને ફોરેન્સિક પોસ્ટમોર્ટમ માટે મોકલીને પોલીસે સૌપ્રથમ મૃતકના ફોટો સોશિયલ મીડિયા પર સર્ક્યુલેટ કરી તેની ભાળ મેળવવા પ્રયાસ કરેલો. તે જ દિવસે સાંજે GIDC ઝૂંપડપટ્ટીમાં રહેતો અશોક પરસોત્તમ વડેચા (દેવીપૂજક) સ્વજનો સાથે હોસ્પિટલમાં દોડી આવેલો અને લાશ તેના ૨૬ વર્ષિય નાના ભાઈ પ્રકાશની હોવાનું જાહેર કરેલું.

પ્રકાશની અંતિમવિધિ બાદ અશોકે ૧૦ જૂલાઈના રોજ ગાંધીધામ બી ડિવિઝન પોલીસ મથકે અજાણ્યા ઈસમો સામે ભાઈની હત્યા કરવાના આરોપ હેઠળ ફરિયાદ નોંધાવી હતી. અશોકે પોલીસને જણાવેલું કે તેનો ભાઈ બીજી જૂલાઈના રોજ બપોરે એક વાગ્યે ઘરેથી નીકળી ગયેલો. ત્યારબાદ તેનો કોઈ પત્તો નહોતો. તેનો મોબાઈલ ફોન પણ બંધ થઈ ગયેલો. તેની હત્યા કોણે કરી, કેવી રીતે કરી અને શા માટે કરી તેની કોઈ પ્રાથમિક માહિતી નહોતી.

પીઆઈ એસ.વી. ગોજીયા અને તેમની ટીમ મર્ડરનો ગુનો ડિટેક્ટ કરવા માટે સૌપ્રથમ સંબંધિત વિસ્તારના કલાકો લાંબા સીસીટીવી ફૂટેજનું નિરીક્ષણ કરેલું. જેમાં મૃતક પ્રકાશ નાળાથી અડધો કિલોમીટર દૂર રેલવે ટ્રેક પાસે આવેલી કાર્ગો ઝૂંપડપટ્ટી તરફ જતો દેખાયેલો.

પોલીસે આ ત્રણે બિહારી યુવકોની ભાળ મેળવવા પ્રયાસ કરતા તેમની ઓરડીઓ પર તાળાં લટકતાં જોવા મળેલાં. જેથી ત્રણે જણાં પર પોલીસના રડાર પર આવ્યાં હતાં.

ટેકનિકલ સર્વેલન્સમાં ત્રણે જણ બિહાર નાસી ગયાં હોવાનું બહાર આવતાં પીએસઆઈ નવઘણ બામ્ભાની આગેવાનીમાં ચાર જણની એક ટીમ તેમને પકડવા માટે બિહારના પટણા જિલ્લાના ભદોર પોલીસ સ્ટેશનની હકુમત હેઠળ આવતા બકમાબિઘા ગામે પહોંચેલી. શકમંદો પોલીસની હાજરીથી સતર્ક ના થઈ જાય તે માટે પોલીસે સ્થાનિક પહેરવેશ ધારણ કરીને રાઉન્ડ મારી વૉચ રાખતી હતી. આખરે ત્રણ પૈકીનો એક શકમંદ ૩૮ વર્ષિય લાલકુમાર મહતો પોલીસના હાથમાં આવી ગયેલો.

લાલકુમારને ગાંધીધામ લઈ આવીને રિમાન્ડ પર લઈને પૂછપરછ કરતાં તેણે પ્રકાશની હત્યાનો ગુનો કબૂલી લીધો છે. લાલકુમારે જણાવ્યું કે બનાવની બપોરે મૃતક પ્રકાશ શંકાસ્પદ હાલતમાં તેમની ઓરડીઓ આસપાસ ફરતો જોવા મળેલો. પ્રકાશ ચોરી કરવા આવ્યો હોવાની શંકાના આધારે લાલકુમાર અને નજીકમાં રહેતા અન્ય બે જણે તેને પકડીને પૂછપરછ કરેલી.

મુઢ મારના લીધે પ્રકાશ બેહોશ થઈ ગયેલો. પ્રકાશ મરી ગયો હોવાનું માનીને ત્રણે જણ ડરી ગયેલાં.

લાશનો નિકાલ કર્યાં બાદ ત્રણે જણ ટ્રેન પકડીને બિહાર નાસી આવ્યાં હતા. મુઢ માર માર્યાં બાદ પ્રકાશ ખરેખર મૃત્યુ પામ્યો હતો કે બેહોશ પ્રકાશને મૃત માનીને કોથળામાં પેક કરી નાળામાં ફેંકી દેવાયેલો તેના અંતિમ નિષ્કર્ષ પર પોલીસ હજુ આવી નથી. પોલીસ ફોરેન્સિક ઑટોપ્સીના રિપોર્ટની રાહ જોઈ રહી છે. અન્ય બે ફરાર આરોપીઓ હજુ પકડાયાં નથી.